27, ოქტომბერი 2020 19:19:00
მთავრობის თავმჯდომარის მიერ დადებული ცრუ პირობა. თორნიკე რიჟვაძემ დანიშვნიდან რამდენიმე დღეში მესამე სექტორთან აქტიური კომუნიკაცია დაანონსა. თუმცა, როგორც აღმოჩნდა, ენჯეოებთან მთავრობის თავმჯდომარეს შეხვედრები არ ჰქონია. კითხვას, რატომ ვერ გამონახა საერთო ენა არასამთავრობო ორგანიზაციებთან, თორნიკე რიჟვაძემ დღეს ჩვეული ცინიზმით უპასუხა.
ეს 9 აგვისტოა, 2018 წელი. თორნიკე რიჟვაძე მთავრობის თავმჯდომარის პოსტზე ახალდანიშნულია. რეგიონის პირველი პირის სიტყვები დღევანდელ რეალობას რომ შევადაროთ, მესამე სექტორის წარმომადგენელების სრულ უმრავლესობას ალბათ ერთი ქართული ანდაზა გაგახსენდებათ: „ ახალი ცოცხი კარგად გვისო“. რიჟვაძემ ამ შეხვედრის შემდეგ მისივე სიტყვები მალევე დაივიწყა. ორგანიზაციებთან ყოველდღიური კომუნიკაცია არავის ჰქონია და მითუფრო, ყოველ ორ თვეში რეგიონის პირველი პირი არავის შეხვედრია. დაპირებიდან 2 წლის თავზე ვერდიქტი ასეთია: პირობა არ შესრულდა.
დღეს ჩვენს მიერ, მისივე დაპირების შესახებ დასმულმა კითხვამ რიჟვაძეს კითხვები ჩვენი მისამართით გაუჩინა. მთავრობის თავმჯდომარეს გაუკვირდა, საიდან გვაქვს ინფორმაცია, რომ მესამე სექტორს არ ხვდება. როგორც თავად აღნიშნა, საერთო ენის გამონახვა არავისთან უჭირს, მათ შორის ჩვენთან. ამ უკანასკნელში TV 25 მოიაზრა, ოღონდ რატომ - ვერ გავიგეთ. ისე, ცნობისთვის, რიჟვაძეს “საერთო ენის გამონახვა” ალბათ განსხვავებულად ესმის, რადგან ბოლო ერთი წელია არც ჩვენს კითვებს პასუხობს და არც პირდაპირ ეთერში მოდის. კომენტარებს ძირითადად მისი პრესსამსახური გვაწვდის. მესამე სექტორთან ურთიერთობას რომ დავუბრუნდეთ, აქ რიჟვაძემ კარი ღია დატოვა:
პირობა, რომ არ შეასრულა და სამოქალაქო სექტორთან შეხვედრებს გაურბის, ამაზე ეს უკანასკნელი ღიად საუბრობს. მესამე სექტორისა და რეგიონის პირველი პირის კომუნიკაცია „ფაქტ ჩეკმა“ შეისწავლა.
რამდენად ითვალისწინებდა თორნიკე რიჟვაძე რეკომენდაციებს და როგორი ურთიერთობა ჰქონდათ მესამე სექტორთან? კითხვა „თავისუფალ ჟურნალისტთა სახლის“ ხელმძღვანელსაც დავუსვით.
რიჟვაძე მესამე სექტორს არათუ არ ხვდებოდა და მათ აზრს ნაკლებად ითვალისწინებდა, ხშირად მათ მიზანმუმართულ დისკრედიაციასაც ცდილობდა. ამის ნათელი მაგალითი ეს შემთხვევაა:
თავდასხმის ადრესატი ამ შემთხევაში „საერთაშორისო გამჭვირვალობას საქართველო“ იყო. შეურაცმყოფელი კომენტარი რეგიონის პირველმა პირმა მას შემდეგ გააკეთა, როცა ჟურნალისტებმა რიჟვაძეს ამ ორგანიზაციის მიერ ჩატარებული კვლევის შედეგებზე ჰკითხეს.