24, ნოემბერი 2020 17:24:00
3 წელი „ლეოგრანდის“ ტრაგედიიდან. დღეს, ხანძრის შედეგად დაღუპულები გაიხსენეს და სასტუმროს შესასვლელთან სანთლები დაანთეს. გარდაცვლილთა ხსოვნას პატივი მიაგეს აჭარის მთავრობის წარმომადგენლებმაც. 2017 წლის 24 ნოემბერს, „ლეოგრანდში“ გაჩენილი ხანძრის შედეგად, 11 ადამიანი დაიღუპა. მათ შორის 10 საქართველოს, ხოლო ერთი ირანის მოქალაქე. მომხდარზე გამოძიება შინაგან საქმეთა სამინისტრომ სისხლის სამართლის კოდექსის 243-ე მუხლის მესამე ნაწილით დაიწყო, რაც სახანძრო უსაფრთხოების წესების დარღვევას გულისხმობს. შედეგად სასტუმროს ორი თანამშრომელი დააკავეს. მათგან ერთმა 2 წლიანი სასჯელი უკვე მოიხადა, მეორეს კი საპატიმროს დატოვებამდე 2 წელი და 6 თვე დარჩა.
51
s
s
s