29, იანვარი 2021 16:58:00
"ბათუმის სანდასუფთავების" სახელით, კონკრეტული ჯგუფი ბათუმელებს ფულს სძალავს. ისინი მოქალაქეებს, თანხას, სადეზინფექციო და დერატიზაციის სამუშაოების სანაცვლოდ სთხოვენ. საგანგებო განცხადება დღეს სანდსუფთავების სამსახურში გააკეთეს. მოუწოდებენ ბათუმელებს, არ მოტყუვდნენ და მომსახურებისთვის თანხა არ გადაიხადონ, ვინაიდან სერვისს ორგანიზაცია უფასოდ აწვდის. მუნიციპალური პროგრამის ფარგლებში, დეზინსექციის სამუშაოები მაისიდან ოქტომბრის ჩათვლით ხორციელდება, ხოლო მრავალბინიანი სახლების დერატიზაცია მთელი წლის განმავლობაში, ყოველთვიურად მიმდინარეობს.