12, თებერვალი 2021 17:30:00
არასამთვრობო ორგანიზაციები სახელმწიფო უწყებებს მოუწოდებენ, ქობულეთში 14 წლის გოგოს გარდაცვალების საქმე დროულად გამოიძიონ. აღნიშნავენ, რომ შესწავლილი უნდა იყოს ყველა შესაძლო ორგანოს და თანამდებობის პირის პასუხისმგებლობა, ვისაც მსხვერპლის მიმართ მხარდაჭერისა და მის მიმართ ჩადენილ დანაშაულზე გამოძიების წარმოების ვალდებულება ჰქონდა. ორგანიზაციები აცხადებენ, რომ აღნიშნულ საქმეში ჩანს ქალთა მიმართ ძალადობის უმძიმესი პრაქტიკები და საპოლიციო და სოციალური ინსტიტუტების დანაშაულებრივი გულგრილობისა და არაეფექტიანობის ნიშნები. ქობულეთში, არასრულწლოვანი გოგო გარდაცვლილი 9 თებერვალს იპოვეს. საქმეზე არასრულწლოვანთან სქესობრივი კავშირის დამყარების ბრალდებით 23 წლის კაცი დააკავეს.