04, აგვისტო 2021 12:42:00
აჭარაში კორონავირუსის საწინააღმდეგო ვაქცინა საერთო ჯამში 61 750-მა პირმა გაიკეთა.აჭარის ა/რ ჯანდაცვის სამინისტროს ინფორმაციით, გასული 24 საათის განმავლობაში, რეგიონში კორონავირუსის 591 ახალი შემთხვევა გამოვლინდა. უწყებაში აცხადებენ, რომ აჭარაში კორონავირუსის გამო, კრიტიკულად მძიმედ, მართვით სუნთქვაზე 18 პაციენტი იმყოფება. კოვიდკლინიკებში კი 647 პაციენტი მკურნალობს. კოვიდ სასტუმროში 923 და ონლაინ კლინიკაში მეთვალყურეობის ქვეშ 2178 პირია. საერთო ჯამში, აჭარაში 46 040 პირი გამოჯანმრთელდა.