10, სექტემბერი 2021 14:19:00
ბათუმში, ერთ-ერთი კოვიდსასტუმროს ეზოში პაციენტი გარდაიცვალა. თვითმხილველების თქმით, კაცს სასტუმროში მოთავსება არ სურდა და ეზოდან გაქცევა რამდენჯერმე სცადა, თუმცა სამართალდამცავებმა მოაბრუნეს. აჭარის ჯანდაცვის სამინისტროში ამბობენ, რომ 49 წლის კაცს, სასტუმროს ეზოში შეყვანისთანავე, სავარაუდოდ, ეპილეფსიური გულყრა განუვითარდა. კაცს, სამედიცინო დახმარება, ადგილზე გაეწია, თუმცა მისი გადარჩენა ვერ მოხერხდა.