24, მარტი 2017 20:26:00
ჯანმრთელობის მსოფლიო ორგანიზაციის ინიციატივით 1982 წლიდან ყოველწლიურად 24 მარტს აღინიშნება ტუბერკულოზთან ბრძოლის მსოფლიო დღე . წინასწარი მონაცემებით 2016 წელს, საქართველოში, ყველა ფორმის ტუბერკულოზის 3 315 შემთხვევა დარეგისტრირდა, მათ შორის 2 454 ახალი. მსოფლიოში ყოველწლიურად 9 მილიონი ადამიანი ავადდება ტუბერკულოზით და 1,5 მილიონზე მეტი იღუპება. ტუბერკულოზის დღესთან დაკავშირებით ფთიზიატრებსა და სამედიცინო დაწესებულებების წარმომადგენლებს შორის დღეს სპეციალური სამუშაო შეხევდრა გაიმართა სადაც, საზოგადოებრივი ჯანმრთელობის სფეროში მულტირეზისტენტული ტუბერკულოზთან დაკავშირებულ გამოწვევებზე იმსჯელეს. ტუბერკულოზით დაავადებული პაციენტები ბაცილგამომყოფთა ჯგუფს მიეკუთვნებიან და შესაძლოა ვირუსი ჰაერწვეთოვანი გზით გადამდები იყოს. რისკების თავიდან აცილების მიზნით მედიკოსები მოსახლეობას გახანგრძილვებული ხველის, გულ-მკერდის არეში ტკივილის, ტემპერატურის მატების ან ხშირი ოფლიანობის შემტეხვაში დროული პრევენციისკენ მოუწოდებენ. თარიღთან დაკავშირებით დღეს ბათუმში “ლონდონის სკვერში“ არსებული კონსტრუქცია წითლად განათდა.