24, მარტი 2017 20:28:00
სოციალურ ქსელსა და გაზეთ „ბათუმელებში“ გავრცელებულ ინფორმაციას ბათუმის მერიის კულტურის ცენტრის ქორეოგრაფიული ანსაბლის რუსეთში გასტროლით გამგზავრებასთან დაკავშირებით, ბათუმის ვიცე-მერი უარყოფს. გაზეთ ბათუმელების ჟურნალისტი კი აცხადებს, რომ აღნიშნული ინფორმაცია მან კულტურის ცენტრის ერთ-ერთი თანამშრომლისგან მიიღო. რაც შეეხება გასტროლთან დაკავშირებულ თანხებს, ჟურნალისტის განმარტებით, მან საფინანსო-საბიუჯეტო კომისიის სხდომაზე წარდგენილი ოფიციალური დოკუმენტით იხელმძღვანელა.