07, ივნისი 2019 20:35:00
ხელვაჩაურის მუნიციპალიტეტის სამი სოფლის მცხოვრებლებმა დღეს სასმელი წყლის დეფიციტი გააპროტესტეს. ადგილობრივების თქმით, წყალი უკვე ერთი თვეა არ მიეწოდებათ. შედეგად, სავაბშვო ბაღში ხშირად სააღმზრდელო პროცესი ფერხდება.
ახალშენის, განახლებისა და სამების წარმომადგენლებს ოპოზიციაც შეუერთდა. „ნაციონალურმა მოძრაობის“ წევრმა მუნიციპალიტეტის მერია კორუფციასა და უმოქმედობაში დაადანაშაულა.
ადგილზე წყალკანალის დირექტორიც იმყოფებოდა. დავით მიქელაძის მტკიცებით, სოფლებს წყალი გრაფიკის მიხედვით მიეწოდება, შეფერხება კი ჭაბურღილის გაფუჭებამ გამოიწვია.
ხელვაჩაურის მერია მუნიპალიტეტში არსებულ პრობლემას წყლის დებეტის სიმცირით ხსნის, ეს კი იმითაა გამოწვეული, რომ ზაფხულში წყალზე მოთხოვნა იზრდება.
ჭაბურღილის შესაძენად გამოცხადებულ ტენდერში შპს „ტუმბომ“ გაიმარჯვა. როგორც წყალკანალში ამტკიცებენ, ეს კომპანია დანადგარს რამდენიმნე დღეში მიაწვდის და სოფლებს წყლის მიწოდება აღუდგება.