რკინის კონსტრუქციებით შემოსაზღვრული სანაპირო ზოლი ქობულეთში. ერთ-ერთი სასტუმროს მიმდებარედ, პლაჟზე ბარიერია. ობიექტი არაერთხელ გააფრთილეს, თუმცა პრობლემა ამ დრომდე ვერ მოგვარდა. ადგილობრივებს პრეტენზიები აქვთ. პასუხების გარკვევას კი თინათინ ჭკუასელი ცდილობდა.
ეს ჯორჯიან პალასის მიმდებარე ტერიტორიაა. სანაპირო ზოლი რკინის ბოძებითაა შემოსაზღვრული. რაც ადგილობრივებსა და დამსვენებლებს უხერხულობას უქმნის. მსგავსი მდგომარეობა იყო აქ გასულ წლებშიც.
იმ შემთხევაში თუკი საზოგადოებრივ სივრცეში ირღვევა ადამიანის უფლებები და იზღუდება მათი პლაჟზე გადაადგილება, ოპოზიცია ქობულეთის მერიას სასტუმროსთან დადებული საიჯერო ხელშეკრულების გადახედვას ურჩევს.
მოქალაქეების პრეტენზიები ცნობილია საქართველოს პარლამენტის წევრისთვის. ფატი ხალვაში ამბობს, რომ საიჯარო პირობების დარღვევის შემთხვევაში რეაგირება ქობულეთის მერიამ უნდა მოახდინოს.
სასტუმროს მენეჯმენტში კი გვარწმუნებენ, რომ ტერიტორიაზე მოქალაქეები თავისუფლად გადაადგილდებიან. ჯორჯიან პალასის ადმინისტრაციაში ამბობენ, რომ პლაჟით სარგებლობა უფასოა. ფასიანი საპლაჟო ინფრასტრუქტურა და გამაგრილებელი სასმელებია
ქობულეთის მუნიციპალიტეტის მერიაში პლაჟზე შეზღუდვებთან დაკავშირებით ინფორმაციას არ ფლობენ. მირიან ქათამაძე ირწმუნება, რომ მოქალაქეების უფლებების დარღვევის შემთხვევაში შესაბამის ზომებს დაუყონებლივ გაატარებს.
პლაჟის თვითნებურიად შემოღობვა უკანონოა: ქობულეთის გამგეობამ "ჯორჯიან პალასი" გასულ წელს ჯერ წერილობით გააფრთხილა და კონსტრუქციის დემონტაჟისთვის გონივრული ვადა მისცა, შემდეგ კი ზედამხედველობის სამსახურმა ჯარიმა დააკისრა და საქმე სასამართლოს გადასცა. სასტუმრო მაშინ 1 500 ლარით დააჯარიმდა.
2
s
s
s