სამშაბათი 20, აგვისტო 2019

რესოციალიზაცია ხელოვნებაში

01, აგვისტო 2019 20:55:00

რესოციალიზაცია ხელოვნებაში. გიყვებით,  ყოფილ პატიმარზე. ამნისტიით გათავისუფლებულმა  ცხოვრება თავიდან დაიწყო.  32 წლის ზურაბ გოგიბერიძემ  რეაბილიტაცის კურსი გაიარა, ბევრი საინტერესო ნივთი შექმნა და ნამუშევრების გამოფენაც მოაწყო. ეს ფერადი ყვავილები ზურასთვის პირველი ღირებული  ნამუშევარია.

ჰობად ქცეული ხელსაქმე,  ეხლა უკვე პროფესიად ექცა.  8 წელია რაც ხეზე კვეთს. იდეა განწყობის შესაბაისად ებადება.

ხეზე კვეთის გარდა,ხატებს, ჯვრებს და სხვადასხვა სუვენირებსაც ამზადებს.  ხელნაკეთი ნივთების შესაქმნელად  ხესთან ერთად, ძვირფასს ქვებსაც იყენებს.

განსაკუთრებულ ყურადრებას მისი ანიმაციური ნამუშევრები იპყრობს.

ამბობს,  რომ ხატვა ბავშვობიდან უყვარდა, თუმცა ხელსაქმე პატრიმრობის პერიოდში ისწავლა. სწორედ მაშინ გააკეთა  პირველი ნივთიც. ამნისტიით გათავისუფლებულს საზოგადოებაში ინტეგრაცია გაუჭირდა. თუმცა რეაბილიტაციის არაერთი სერვისით ისარგებლა და შედეგსაც მიაღწია.

არასამთავრობო ორგანიზაციების დახმარებით დღეს  თავისუფალ სივრცეში 32 წლის ზურაბ გოგიბერიძე პერსონალური გამოფენა  მოეწყო. ახალბედა ხელოვანს გავლილი აქვს  უცხო ენის, ციფრული მარკეტინგისა და ბიზნესის მართვის  კურსები.  ეხლა ის საკუთარ სახელოსნოზე ოცნებობს, სივრცეში  კი ყველა დამწყებ ხელოვანს ეპატიჟება.


დღის ამბები