05, აგვისტო 2019 20:35:00
ბათუმში ზუბალაშვილის ქუჩაზე ახლადგახსნილ სკვერს სახელი მოქალაქეთა ჩართულობით მოენიჭება. ამისათვის მერიის ფეისბუქ გვერდზე სპეციალური გამოკითხვა დაიწყო, სადაც იდეის მიწოდება ნებისმიერ მსურველს შეუძლია. უწყება ბათუმელებს მოუწოდებს მიიღონ აქტივობაში მონაწილეობა და სკვერისთვის მისაღები სახელი კომენტარებში დააფიქსირონ. გამოკითხვა ერთი კვირის განმავლობაში გაგრძელდება. რამდენიმე ვარიანტის შერჩევის შემდეგ კი საუკეთესოს გამოსავლენად კიდევ ერთი კენჭისყრა იქნება.