30, სექტემბერი 2019 20:43:00
ამ წუთებში ევროპის მოედანზე აჭარის საზოგადოებრივი მაუწყებლის ჟურნალისტების მხარდასაჭერად მოქალაქეები, მესამე სექტორისა და პოლიტიკური პარტიების წარმომადგენლები იკრიბებიან. ისინი მაუწყებლის ირგვლივ განვითარებულ მოვლენებს ნეგატიურად აფასებენ. ამბობენ, რომ პროცესში ხელისუფლების ინტერესი იკვეთება და კრიტიკული მედიის განეიტრალება სურთ. ყველა ერთად თანხმდება, რომ მაუწყებლის დღეს არსებული სარედაქციო პოლიტიკა უნდა შენარჩუნდეს, რადგან ჟურნალისტები მოვლენებს კრიტიკულად და დაბალანსებული აშუქებენ.