22, ოქტომბერი 2019 17:12:00
ხის დარგვის საერთაშორისო დღესთან დაკავშირებით ბათუმში, ზურაბ გორგილაძის ქუჩაზე ხე-მცენარეები დაირგო. თარიღთან დაკავშირებით ერთ-ერთი კერძო სკოლის მოსწავლეებმა და „გამწვანებისა და ლანდშაპტური დაგეგმარების სამსახურის“ თანამშრომლებმა ტუიას ნერგები დარგეს. აქციის ფარგლებში პირველ კლასელებს უკვე სახელობითი ხეები აქვთ.
ცნობიერების ამაღლების მიზნით დაგეგმილი გამწვანების აქცია მიზნად ისახავდა სამოქალაქო პასუხისმგებლობის გაზრდას მოსწავლე-ახალგაზრდობაში.
ხის დარგვის საერთაშორისო დღე 1874 წელს დაარსდა. მისი დამაარსებელი ამერიკელი ბოტანიკოსი და ქვეყნის სოფლის მეურნეობის მინისტრი, სტერლინგ მორტონია.