2017 წელს ნებაყოფლობითიდან სავალდებულო ინსპექტირებაზე გადასასვლელად საქართველოს ჯანდაცვის სამინისტრო შესაბამისი საკანონმდებლო ბაზის შემუშავებას იწყებს. სამინისტროს შრომის პირობების ინსპექტირების დეპარტამენტის უფროსის განმარტებით მოხდება შრომის ინსპექციის ინსტიტუციონალიზება, ინსპექტორების გადამზადება, კვალიფიკაციის ამაღლება, სერტიფიცირება, მატერიალურ-ტექნიკური საშუალებებით აღჭურვა. დეპარტამენტის უფროსმა სამომავლო გეგმებთან ერთად შრომის ინსპექტირების 2016 წლის ანგარიშიც წარმოადგინა. შრომის ინსპექტირების დეპარტამენტის მონაცემების მიხედვით, 2016 წელს, მთელი ქვეყნის მასშტაბით, გეგმური და არაგეგმური ინსპექტირება 176 ობიექტზე განხორციელდა. შემოწმების შედეგად გამოვლინდა ხანძარსაწინააღმდეგო სისტემის არარსებობის - 155, ელექტრო უსაფრთხოების გაუმართაობის - 80, ინდივიდუალური დაცვის საშუალებების არარსებობის - 63, კოლექტიური დაცვის სისტემის გაუმართაობის - 14, უსაფრთხოებაზე პასუხისმგებელი პირის არარსებობის - 17, მიკროკლიმატის დაუცველობის - 70 და მომეტებული საწარმო ხმაურის - 18 შემთხვევა.
1
s
s
s