02, დეკემბერი 2019 13:25:00
მაწვნის სუპი ძალიან სასარგებლო წვნიანია და 10 თვიდან შეგიძლიათ შესთავაზოთ პატარებს. მისი მომზადება კი საკმაოდ მარტივია.
მაწვნის სუპისთვის დაგჭირდებათ:
1 ქილა (500 მლ.) მაწონი
1 თავი ხახვი (საშუალო ზომის)
100 გრ. ბრინჯი
1 ცალი კვერცხი
კამა
მარილი
კარაქი
მომზადების წესი:
დაჭერით ხახვი წვრილად, მოთუშეთ კარაქში, ჩაასხით წყალი, დაამატეთ ბრინჯი და ხარშეთ ნელ ცეცხლზე. ცალკე წყალში გახსენით მაწონი და ისე ჩაამატეთ ქვაბში და იქამდე ურიეთ, სანამ დუღილს არ დაიწყებს. როცა წამოდუღდება, ჩაასხით გათქვეფილი კვერცხი და გააგრძელეთ მორევა.
დაამატოთ კამა, მარილი და კერძიც მზადაა.