17, დეკემბერი 2019 18:05:00
საახალწლო ბაზრობა ბათუმში, გმირთა ხეივანში, ოფიციალურად 25 დეკემბერიდან გაიხსნება, თუმცა მეწარმეებმა გასაყიდი პროდუქცია უკვე გამოიტანეს. ტერიტორიაზე დახლების მონტაჟი და ადგილების გადანაწილების პროცესი დილიდან მიმდინარეობს. ბათუმის მერიაში დეტალები ჯერ კიდევ არ არის დაზუსტებული. ამ ეტაპზე უწყებაში განაცხადი 20-მდე მეწარმეს აქვს შეტანილი. ცნობისთვის, საახალწლო ბაზრობის ფარგლებში, ნებადართულია ნაძვის ხეების, პიროტექნიკისა და აქსესუარების გაყიდვა.