ქვეყნის მასშტაბით, კვლავ საგანგებო მდგომარეობა და კომენდანტის საათი მოქმედებს. როგორია ცხოვრება სოფლად აღნიშნული რეგულაციების შემოღების შემდეგ? მაცნეს გადამღები ჯგუფი შეეცადა, რამდენიმე სოფლის მაგალითზე, თქვენთვის იქ არსებული სურათი ეჩვენებინა. ადგილობრივთა მოსაზრებებს სიუჟეტიდან გაიგებთ.
როგორია ცხოვრება სოფლად კომენდანტის საათის შემოღების შემდეგ, იმისთვის რომ სურათი დაგვეხატა, ერთი მუნიციპალიტეტის მაგალითზე, რამდენიმე სოფელი მოვიარეთ. სოფლის მშობლიურ სახლს რომ ბევრი დაუბრუნდა, ადვილი შესამჩნევი აღმოჩნდა. მართალია გარეთ ფაქტიურად ვერავინ ვნახეთ, თუმცა ეზოებში მანქანების განსაკუთრებული სიმრავლე ნადვილად თვალშისაცემია. გარეთ ვერ გადიან, თუმცა დროს სოფელში ტყუილად ნამდივალდ არ კარგავენ. უმრავლესობამ ბაღებსა და ბოსტნებს მიაშურა. მორიდებით, მაგრამ დროის გაყვანას მეზობლები აქა იქ ფინჯან ყავასთანაც ცდილობენ.
შოთა ცომაიას სოფელ ახალშენში ყველა იცნობს. მას წლებია ყვავილები მოჰყავს და ყიდის. პანდემიამ მცირე ბიზნესი გაუჩერა, ამიტომ ახლა მისი ძირითადი თავშესაქცევი და საზრუნავი შვილიშვილებია.
ნუგზარ დიასამიძე, სოფლის ცენტრიდან ათი კილომეტრის მოშორებით ცხოვრობს. ამბობს, რომ პურისა თუ სურსათისთვის მაღაზიაში ყოველდღე ფეხით დადის, ამიტომ კარგად ხედავს, როგორ დაეტყო პანდემიის მიზეზით შექმნილი საგანგებო მდგომარეობა სოფელს.
საინფორმაციო საშუალებებს და ინტერნეტს დღის ბოლოს, თითქმის ყველა ოჯახში აზარტული თუ ინტელექტუალური თამაშებიც ემატება. დისტანციურად ურთიერთობის ახალი დღე კი ინფორმაციებისა და ემოციების გაზიარებით იწყება.
2
s
s
s