ჩაკეტილი 4 სოფელი ქობულეთში და გამკაცრებული კონტროლი საკარანტინო ზონაში. გვარას, ლეღვას, წყავროკას და მუხაესტატეტეს მისადგომებთან მეორე დღეა ბლოკ-პოსტებია განლაგებული. ტარდება თერმოსკრინინგი, შეაქვთ პროდუქტი. ე.წ. ქობულეთის კლასტერით 20 პირია ინფიცირებული.
გვარაში, მუხაესტატეში, წყავროკასა და ლეღვაში შესვლა-გამოსვლა უკვე მეორე დღეა აკრძალულია. ქობულეთის მუნიციპალიტეტის ამ სოფლებში ჯამში 11 060 ადამიანი ცხოვრობს. იზოლაციაში დარჩენილ ადამიანებს თერმოსკრინინგი უტარდებათ. ამ დრომდე მედიკოსებმა 1 600-ზე მეტი ადგილობრივი გამოიკვლიეს. მათგან საყურადღებო 13 მოქალაქე აღმოჩნდა.
მკაცრი საკარანტინბო ზონაში გადაადგილება სასწრაფო სამედიცინო დახმარების ჯგუფებისთვის და სურსათის სადისტრიბუციო მანქანებისთვისაა შესაძლეებლი. .
მიუხედავად იმისა, სოფლებში სადაც კარანტინია გამოცხადებული, სურსათის დისტრიბუცია ხდება და საქართველოს ხელისუფლებისაგან ოჯახების მომარაგებაზე დავალება მიღებული აქვს აჭარის სოფლის მეურნების სამინისტროსა და ქობულეთის მერიას, მოქალაქეები მაინც საკვები პროდუქტების მწირ მარაგებზე და გაზრდილ ფასებზე საუბრობენ.
ქობულეთის მერის განცხადებით, კარანტინის ზონაში მოქცეულ სოფლებში, მობილური ბაზარი ამოქმედდება, რომელიც მოსახლეობას იმ აუცილებელი პროდუქტით მოამარაგებს, რომლის შეძენასაც საგანგებო სიტუაციაში ვერ მოახერხებენ. მირიან ქათამაძის განცხადებით, მოწყვლადი ოჯახები, დღეიდან ერთჯერადად მიიღებენ უფასოდ სასურსათო კალათას.
ლეღვასა და გვარაში ორი ბლოკ პოსტია განთავსებული. სოფლების ყველა შესასვლელთან სიტუაციას, საპატრულო პოლიციასთან ერთად, თავდაცვის სამინისტროს ძალები აკონტროლებენ.
5
s
s
s