თითქმის 2 თვეა საქართველო კორონავირუსს ებრძვის. ადამიანების ყოველღიურობაში ბევრი რამ შეიცვალა. საგანგებო მდგომარეობისა და გამკაცრებული ზომების ფონზე, იმ ფონზე, როცა სპეციალისტები გვეუბნებიან, რომ ეს მხოლოდ დასაწყისია - ადამიანების ყოველდღიურ პრობლემებს დაემატა გაურკვევლობა, შფოთვა, პანდემიური სტრესი და შიშები- ხომარ დავინფიცირდებით, ხომარ დავკარგავთ სამსახურებს , დავიცავთ თუ არა ოჯახის წევრებს და საყვარელ ადამიანებს. როგორ ეს პროცესები ? რას გვირჩევენ ფსიქოლოგები?
ქალები ნაირფერი კულინარიული რეცეპტებით, რჩევები, როგორ მოვუაროთ სახის კანს სახლის პირობებში, შინ დაწერილი და გადაღებული მუსიკალური კლიპები, წლობით მივიწყებულ მიწის ნაკვეთებზე გაჩაღებული სამეურნეო სამუშაოები - ერთფეროვნებას თვითიზოლაციაში ყველა სხვადასხვაგვარად ებრძვის, ან უბრალოდ ცდილობს შეებრძოლოს.
არასტანდარტულ გარემოში მოულოდნელი აღმოჩენა ადამიანებისთვის ერთგვარი გამოწვევა რომ გახდა, ამაზე სოციალურ ქსელში მომრავლებული პოსტებიც მოწმობს. მაგალითად ისეთების როგორიცაა: მოვიმატე წონაში, ძალიან გამიჭირდა ფინანსურად, დიასახლისს ქირის ფულს ვეღარ ვუხდი.
ვიღაც ვერც ვერაფერს აკეთებს და მოწყენილობასთან ერთად დეპრესიასაც მიეცა, თუმცა ერთი ფაქტია. სოციალური ქსელი დღეს განწყობების და ემოციების გაზიარების, კომუნიკაციის, საკუთარი მდგომარეობის გადმოცემისთის საუკეთესო საშუალებად იქცა.
ცხოვრების აქტიური წესიდან რუტინულ ყაიდაზე დაუგეგმავი გადასვლა რომ ადამიანებზე ნეგატიურად მოქმედებს, საუბრობენ ფსიქოლოგებიც. ზურა ქარჩავა ერთ-ერთია, ვინც ამბობს, რომ ყველაფერთან ერთად, ქართველებს ყოველთვის აქვთ დროის სწორად მართვის პრობლემა, ამიტომაც, სპეციალისტი გაძლევთ რჩევებს, როგორ შეიძლება გაუმკლავდეთ სახლში დარჩენით გამოწვეულ სტრესს.
ფსიქოლოგები ამბობენ, რომ სტრესი იმუნიტეტს აქვეითებს და არ ღირს ნერვიულობა იმაზე რომ შეიძლება დაინფიცირდე. მაია შარაძის რჩევაა დრო მოხუცებს დაუთმოთ.
სტრესულ მდგომარეობამდე ადამიანი შესაძლოა საინფორმაციო წყაროებიდან მუდმივად ნეგატიური ინფორმაციის მიღებამაც მიიყვანოს, ამიტომ ფსიქოლოგები გირჩევენ, მიმდინარე მოვლენებზე ახალ ამბებს დღეში მხოლოდ ორჯერ გაეცნოთ, თავისუფალი დრო კი ოჯახს დაუთმოთ.
მუდმივად სახლში ყოფნა უფროსებზე მეტად გაუჭირდათ პატარებს, სწორედ ამიტომ, სპეცილისტი გირჩევთ, მოზღვავებული თავისუფალი დროის მიუხედავად, არ დაარღვიოთ მათი ძილისა და კვების რეჟიმი. გარდა ამისა, აუცილებელია ბავშვებს გასაგებ ენაზე აუხსნათ, რატომ აღნოჩნდნენ მათთვის უჩვეულო მდგომარეობაში.
მდგომარეობის სირთულის მიუხედავად, მოწოდება მაინც საერთოა, „დარჩით სახლში“! და როცა მელანქოლია შემოგიტევთ, გაიხსენეთ, რომ შეზღუდვა დროებითია და მხოლოდ თქვენი უსაფრთხოებისთვისაა.
3
s
s
s