29, ივნისი 2020 21:30:00
უკვე 4 თვეზე მეტია მოციგურავეებისთვის ბათუმის სპორტული ცენტრი დაკეტეილია. სპორტსმენები ვეღარც გეგმიური ღონისძიებებისთვის ემზადებიან და ვერც ჩვეულებრივ, ყოველდღიურ ექვსსაათიან ვარჯიშებს გადიან. კორონავირუსის პანდემიის მიზეზით გაჩერებულმა წვრთნებმა მათ მომზადებაზე გავლენა უკვე იქონია. პედაგოგი ამბობს, რომ მიღწეული შედეგები ნაწილბრივ დაიკარგა და როცა შეკრებები განახლდება, მოსწავლეების სხეულის ტონუსში მოყვანა გართულდება. ერთადერთი, რასაც ყინულის გარეშე ახერხებენ, ის ელემენტარული სავარჯიშოებია, რაც ფიზიკური ფორმის შენარჩუნებაში დაეხმარებათ.
პრობლემებზე საუბრობენ ბათუმის სპორტული ცენტრის, სპორტული განყოფილების სპეციალისტებიც. ამბობენ, რომ მიმდინარე წელს, ათამდე ღონისძიება გაუქმდა სპორტის სხვადასხვა სახეობებშიც, მათ შორის ჰოკეიში, ეზოს ფეხბურთში, აუტიზმის სინდრომის მქონე, ბავშვთა საფეხბურთო სკოლის შეჯიბრება და სხვა.
მიუხედავად არსებული პრობლემებისა, რომელიც პანდემიამ მოიტანა, ბათუმის სპორტული კოლმპლექსის ტექნიკურმა განყოფილებამ რამდენიმეთვიანი პაუზა სასარგებლოდ გამოიყენა. ერთი კვირის წინ, ყინული დაადნეს და დაახლოებით ორ კვირაში სასახლეს ახალი საციგურაო მოედანი ექნება. წესისამებრ, აღნიშნული სამუშაოები წელიწადში ერთხელ ტარდება. ამჯერად, პროცედურას, დამატებით, სპეციალური უქმეების გამოცხადება არ დასჭირდება.
საქართველოს მთავრობის დადგენილებით, მასობრივი სასწავლო- საწვრთნელი შეკრებები 15 ივლისამდეა აკრძალული. გახდება თუ არა ნებადართული ამ დროისთვის ჯგუფური რეპეტიციები, წვრთნები თუ ვარჯიშები ჯერ-ჯერობით უცნობია.