22, ივლისი 2020 16:49:00
ქობულეთის მერიას კიდევ ერთი საჯარო მოხელე ტოვებს. ეს ასლან ქათამაძეა, არქიტექტურისა და სივრცითი მოწყობის სამსახურის უფროსი. წავიდა თუ გაუშვეს? ოპოზიციას მეორე ვერსიის სჯერა, რადგან ასლან ქათამაძის სახელს ქაოტურ მშენბელობებს და უკანონოდ აცემულ ნებართვებს უკავშრებენ. თავად ადრესატს ღიად საუბარი არ სურს, გადაწყვეტილების მოტივებს ვერც ქობულეთის მერი, მირიან ქათამაძე ხსნის, რომელმაც საკუთარ ბიძაშვილს, წასვლის შესახებ განცხადება თავად უნდა დაუკმაყოფილოს.
ქობულეთის მერიას კიდევ ერთი საჯარო მოხელე ტოვებს. ეს ასლან ქათამაძეა, არქიტექტურისა და სივრცითი მოწყობის სამსახურის უფროსი. წავიდა თუ გაუშვეს? ადრესატს ღიად საუბარი არ სურს, გადაწყვეტილების მიზეზებს ვერც ქობულეთის მერი, მირიან ქათამაძე ხსნის, რომელმაც საკუთარ ბიძაშვილს, წასვლის შესახებ განცხადება თავად უნდა დაუკმაყოფილოს.
თანამშრომელსა და ბიძაშვილს, რომელიც უწყებაში 6 წელია მუშაობდა არ ჰკითხა, რის გამო ტოვებს თანამდებობას. მირიან ქათამაძე მზადაა არქიტექტურისა და სივრცითი მოწყობის სამსახურის უფროსის განცხადება წასვლის შესახებ დააკმაყოფილოს.
ასლან ქათამაძის მოულოდნელი გადაწყვეტილება მირიან ქათამაძეს არ გაკვირვებია. მისი ინფორაციით, მას სხვა შეთავაზება აქვს, თუმცა არ აკონკრეტებს რა პოზიციაზე მოიაზრება ყოფილი თანამშრომელი.
ის, ვისკენაც მუნიციპალიტეტის პირველმა პირმა გადაგვამისამართა TV 25 ჩართულ კამერას გაურბის. ასლან ქათამაძეს სახლში, სოფელ ზენითში მივაკითხეთ, თუმცა ადგილზე მხოლოდ ოჯახის წევრები იყვნენ, რომლებსაც ამ თემაზე საუბარი არ სურდათ. ადრესატი სატელეფონო ზარებს არ პასუხობს. მოგვწერა, რომ მოვა დრო, როცა გადაწყვეტილების შესახებ საჯაროდ ილაპარაკებს. რის გამო დატოვა თანამდებობა ასლან ქათამაძემ? ამის შესახებ ინფორმაცია არც საკრებულოს უმრავლესობაში ჰქონდათ.
TV 25 ინფორმაციით, ქობულეთის არქიტექტურისა და სივრცითი მოწყობის სამსახურის უფროსს თანამდებობა იძულებით დაატოვებინეს. ასლან ქათამაძემ განცხადება წასვლის შესახებ მუნიციპალიტეტის მერის მირიან ქათამაძის მითითებით დაწერა. ცნობისთვის, ქობულეთში ათეულობით შენობა, ადგილობრივთა მტკიცებით, უნებართვოთ შენდება, პროცესში კი მერისა და არქიტექტურის სამსახურის უფროსის ინტერესები იკვეთება.
მუნიციპალიტეტის მერი შესაძლო კანონდარღვევებს კატეგორიულად უარყოფს, თუმცა მირიან ქათამაძის ოპონენტი დარწმუნებულია, რომ ასლან ქათამაძე „ქართულმა ოცნებამ“ გაწირა.
TV 25 ინფორმაციით, ქობულეთის მერიას კიდევ ერთი საჯარო მოხელე ტოვებს. უწყებასთან გამომშვიდობება სავარაუდოდ, ინფრფრასტრუქტურის სამსახურის მაღალჩინოსანს მოუწიოს.