გარემოვაჭრეები, რომლებიც კანონს არღვევენ. რეგულაციის თანახმად, თვითდასაქმებულების სავაჭრო დახლები, ქვეითთა სავალ ბილიკზე, ერთ მეტრს არ უნდა აღემატებოდეს. საქმიანობის უფლებაც მხოლოდ ამ შემთხვევაში აქვთ, თუმცა ქალაქში არსებული სურათი სულ სხვაა. მართალია, „ბათუმის მუნიციპალური ინსპექცია“ პროცესს მონიტორინგს ყოველდღიურად უწევს, მაგრამ მოვაჭრეებს დახლები გაცილებით შორს გააქვთ. პრობლემაზე ღიად საუბრობენ მოქალაქეებიც. ამბობენ, რომ მათთვისვე განსკუთვნილ სავალ ბილიკზე გავლა, დღითიდღე უძნელდებათ.
გარევაჭრობა კანონდარღვევებით და უკამყოფილო მოსახლეობა. ბათუმში,მრავალად შეხვდებით ადგილს, სადაც ქვეითთა გადასაადგილებელ ბილიკებზე ხილ-ბოსტნეულს ყიდიან. მიზანმიმართულ პოლიტიკას შედეგი მოჰყვა, თუმცა მოვაჭრების დიდი ნაწილი, ტროტუარებზე, მათთვის განკუთვნილი ადგილების მიღმა, უკანონო ვაჭრობას მაინც ჯიუტად აგრძელებს. „ბათუმის მუნიციპალური ინსპექცია“ მონიტორინგს ყოველდღიურად ახორციელებს, თუმცა როგორც კი კონტროლს გაისტუმრებენ, მოვაჭრეებს, ქვეითთა სავალ ბილიკზე, სავაჭრო დახლები დაშვებული ერთი მეტრიდან, გაცილებით შორს გააქვთ.
დისკომფორტს ყველაზე მეტად ქვეითად მოსიარულეები გრძნობენ. ამბობენ, რომ გავლა განსაკუთრებით ზაფხულში უჭირთ, როცა მომხმარებელი მეტია. იმისთვის, რომ დახლებს გვერდი აუარონ, მოქალაქეები აცხადებენ, რომ ხშირად იძულებული არიან, ტროტუარიდან მანქანებისთვის განკუთვნის სავალ ნაწილზე გადავიდნენ, რაც მათ დამატებით რისკის ქვეში აყენებთ.
„ბათუმის მუნიციპალურ ინსპექცია“- კანონდამრღვევს პირველ ეტაპზე წერილობით გაფრთხილებას აძლევს, მეორედ კი უკვე ჯარიმა იწერება. ფიზიკური პირის შემთხვევაში სანქცია 500 ლარია, იურიდიულ პირზე კი 1 500 ლარიანი ჯარიმაა გათვალისწინებული. თუ კი გადაცდომა მესამედაც ექნებათ, ინსპექცია უკვე სასამართლოს მიმართავს.
მიუხედავად იმისა, სანქციები ყოველ მომდევნო დარღვევაზე მზარდია, ფაქტია, რომ პოლიტიკა ეფექტური ვერ არის. რა შეიძლება იყოს პრევენცია, ალტერნატიულ ან დამატებით რეგულაციებზე მერიაში ამ ეტაპზე მუშაობა არ მიმდინარეობს.
2
s
s
s