24, ივლისი 2020 21:15:00
ძარცვა, ყაჩაღობა, მკვლელობა- სიტყვები, რომლებიც ბოლო წლების განმავლობაში თითქმის ყოველდღიურად გვესმის. თუკი ძალოვანი უწყების სტატისტიკას გადავხედავთ, შევნიშნავთ, რომ დანაშაულის მაჩვენებელი ქვეყანაში მკვეთრადაა გაზრდილი, რასაც იგივეს ვერ ვიტყვით საქმეების გახსნის ინდექსზე. რა იწვევს ციფრების მატებას ან რას აკეთებენ ამ დროს სამართალდამცავი უწყებები, რომლებიც გამოძიებაზეა პასუხისმგებელი? მოქალაქეების მოსაზრებები ნინია მესხიძემ მოისმინა
გარდილ კრიმინალზე მსჯელობა დღეს ყველგან შეიძლება მოისმინოთ. არ აქვს მნიშვნელობა, მგზავრობთ, ვაჭრობთ თუ რომელიმე ორგანიზაციაში ხართ დასაქმებული. ფასებთან ერთად ადამიანების მთვარი დისკუსიის თემა მომრავლებული ძარცვა, ყაჩაღობა, მკვლელობა, მკვლელობის მცდელობა და სხვა მსგავსი დანაშაულებრივი თემებია. მსჯელობენ ფაქტებზე, რაც შეუქდება და შემთხვევებზე, რომლებიც უბრალოდ ქალაქში თუ სოფელში ხდება. ადამიანები ამბობენ, რომ ქუჩაში გადაადგილებს შიში დღითიდღე იზრდება.
რატომ არის დანაშაულებრივი სტატისტიკა მზარდი? ჩვენს მიერ გამოკითხული მოქალაქეები ფიქრობენ, რომ პრობლემა ხელისუფლებიდან მოდის. ამბობენ, რომ სახელმწიფოს დამნაშავეების მიმართ ისეთი მკაცრი პოლიტიკა არ აქვს, რომელიც შემთხვევებს შეამცირებს. თუ რატომ? ამაზე უკვე პასუხის გაცემა უჭირთ, თუმცა ადამიანები საუბრობენ სამოქალაქო თვითშეგნების ამაღლების აუცილებლობაზეც.
რესპოდენტების ნაწილი ფიქრობს, რომ გაზრდილი კრიმინალი მოზარდების არასწორი აღზრდის შედეგია. ამბობენ, რომ მშობლებს სიმკაცრე აკლიათ და შვილები შიშს კარგავენ. მინიჭებულ თავისუფლებას კი სწორად ვერ იყენებენ და ბევრი დამნაშავედ ყალიბდება.
თუ კი შინაგან საქმეთა სამინისტროს მიერ გავრცელებულ სტატისტიკას გადავხედავთ, ვნახავთ, რომ 2019 წელთან შედარებით, 2020 წელს ადამიანის სიცოცხლის წინააღმდეგ დანაშაული თითქმის 9%-თაა გაზრდილი.