28, ივლისი 2020 21:00:00
ავარიების შედეგად ქვეყანაში 203 ადამიანი გარდაიცვალა. ეს მიმდინარე წლის შედეგებია. გასულ წელთან შედარებით მონაცემები შემცირებულია, თუმცა სპეციალისტები ამას საკარანტინო ზომებით ხსნიან. მომდევნო რეპორტაჟიდან გაიგებთ რა იწვევს ავტოსაგზაო შემთხვევებს და რეაგირებენ თუ არა სამართალდამცავი უწყებები სათანადოდ?
ბოლო სამი თვის განმავლობაში ავტოავარიის შედეგად საქართველოში დაშავდა 1372 და დაიღუპა 69 ადამიანი. აქედან, 6 ადამიანის სიცოცხლე ემსხვერპლა ავტოსაგზაო შემთხვევებს აჭარაში.ბოლო სამი თვის განმავლობაში 69 დაღუპულიდან 17 ქვეითი იყო, მათ შორის ერთი – 7 წლამდე ბავშვი - ასეთია შინაგან საქმეთა სამინისტროს იანვარ-ივნისის სტატისტიკა.
ბათუმში, ავტოსაგზაო შემთხვევები ხშირად, გენერალ ასლან აბაშიძის და ბაგრატიონის ქუჩების კვეთასთან ფიქსირდება. გახშირებულ შემთხვევებს, აქ მოსახლეობის ნაწილი საგზაო ნიშნულების, არარსებობას უკავშირებს. აქ მოძრაობას არც შუქნიშანი არეგულირებს და ვერც მოძრაობისათვის შემანელებელ ე.წ. მწოლიარე პოლიციელს.
ავარიების სიმრავლით, ბათუმში კიდევ ერთი გზაჯვარედინი, პუშკინისა და ხიმშიაშვილის კვეთა გამოირჩევა. ავტოსაგზაო შემთხვევების სიმრავლეს, მძღოლები, აქაც დაურეგულირებელი საგზაო მოძრაობით ხსნიან.
რა ხდება ავტოავარიების ძირითადი მიზეზი, კვლევა ორგანიზაციამ „საქართველო ალიანსი უსაფრთხო გზებისთვის“ აწარმოა. მონიტორინგის შედეგად, დოკუმენტშია ღნიშნულია, რომ შემთხვევათა უმრავლესობა სწორედ მაშინ ხდება, როცა მძღოლები საპირისპირო ზოლში გადასვლას ცდილობენ, როცა მანქანას ნასვამ მდგომარეობაში მართავენ და სხვა. მოუწესრიგებელი საგზაო ინფრასტრუქტურით გამოწვეული შედეგები კი კვლევაში ერთ-ერთ ბოლო ადგილს იკავებს.
მძღოლების თუ სპეციალისტებსი შენიშვნებთან დაკავშირებით, „ბათუმის ავტოტრანსპორტში“, შპს-ში, რომელიც საგზაო მონიშვნების და ამ კუთხით მოძრაობის უსაფრთხოებაზეა პასუხისმგებელი, კომენტარი არ გააკეთეს.
ავარიების რაოდენობა, სტატისტიკუარდ, წელს აპრილ-ივნისში, გასული წლის ანალოგიურ პერიოდთან შედარებით ნაკლები იყო. თუ კი ამ პერიდში 2019 წელს, ქვეყნის მასშტაბით 1 427 ავტოავარია მოხდა, 2020 წლის იგი 1034 შემთხვევამდე შემცირდა. მიზეზი, სპეციალისტების თქმით, კორონავირუსის პანდემია გახდა, როცა საგანგებო მდგომარეიბა იყო და მანქანით გადაადგილება აკრძალული.