15, დეკემბერი 2020 21:59:00
ხმაურის,სიტყვიერი დაპირისპირების და საყვირების ხმის ფონზე მიმდინარეობდა, დღეს აჭარის უმაღლესი საბჭოს, ახალი მოწვევის პირველი სხოდომა. წარმომადგენლობითი ორგანოს შენობასთან, არასამთავრობო ორგანიზაციების წევრებმა, ნაგვის ურნები მიიტანეს,რომელზეც სტიკერები იყო დაკრული წარწერით „მონობა ტეხავს“, ასევე დააკავეს არასამთავრობო ორგანიზაცია „ალტერნატივას“ შვიდი წევრი. რა გახდა დაპირისპირების და დაკავების მიზეზი? დეტალებს სალომე უსტალიშვილი მოგიყებათ.
ეს ნაგვის ურნები აჭარის უმაღლესი საბჭოს შენობის წინ, სწორედ მაშინ მიიტანეს, როცა ახალი მოწვევის უმაღლესი საბჭო პირველად შეიკრიბა და სხდომა გაიხსნა. იდეა ''ალტერნატივას'' და ''იმოქმედეს'' ეკუთვნის.
დაპირისპირების გარეშე არც ამ პროტესტს ჩაუვლია. დაუმორჩილებლობისთვის პოლიციამ შვიდი პირი დააკავა. მითითების მიუხედავად, აქტივისტები, უმაღლესი საბჭოს ადმინისტრაციული შენობის ღობეზე მაინც ავიდნენ და სტიკერები წარწერით - „მონობა ტეხავს“ - მაინც გააკრეს.
აჭარის უმაღლესი საბჭოსთან, ადგილი ჰქონდა კიდევ რამდენიმე ინცინდენტს. აქციის მონაწილეების წევრების, დაკავებიდან რამდენიმე წუთში, „ალტერნატივას“ხელმძვანელი ხათუნა ბერიძეც დააკავეს. იგი რამდენიმე კვირის წინაც აიყვანეს და 500 ლარიანი ადმინისტრაციული ჯარიმის დაკისრების შემდეგ გაათავისუფლეს.
დაკავებულების სასამართლო პროცესი, ბათუმის საქალაქო სასამართლოში, ხვალ გაიმართება.