პირველი ოპოზიციონერი დეპუტატი საქართველოს პარლამენტში. „პატრიოტთა ალიანსის“ სიის მე-4 ნომერი ავთანდილ ენუქიძე მანდატის დათმობას არ აპირებს და საკანონმდებლო ორგანოში შედის. როგორც აცხადებს, ქუჩაში, მიხეილ სააკაშვილის და გიგა ბოკერიას გვერდით დგომას არ აპირებს.
არჩევნების შედეგების მიხედვით, პატრიოტთა ალიანსიდან პარლამენტში 4 ადამიანი მოხვდა. პირველმა სამმა დეპუტატმა მანდატებზე უარი განაცხადა. პარტიული სიის მეოთხე ნომერმა კი, ქუჩაში დგომას, კომფორტის ზონა არჩია. ირმა ინაშვილის განმარტებით, თავად პოზიციის შეცლას არ აპირებს. მისივე ინფორმაციით, ენუქიძე ბიზნესმენია, რომელიც პატრიოტთა ალიანსს აფინანსებდა, ამიტომ გუნდს არ აქვს ბერკეტი მის გადაწყვეტილებაზე გავლენა მოახდინოს.
პარტიის სხვა წევრები ამ დრომდე მყარ პოზიციაზე დგანან. ენუქიძის გადაწყვეტილება კი მათი შეფასებით, საერთო პოლიტიკურ ვითარებას ვერ შეცვლის.
ერთადერთი, ვინც ენუქიძეს გადაწყვეტილებას უწონებს, მმართველი გუნდია. ერთპარტიული პარლამენტის წევრები ამ დრომდე ოპოზიციის ბოიკოტის შეწყვეტას ელოდებიან.
ავთანდილ ენუქიძე ერთადერთი ოპოზიციონერი დეპუტატია,რომელმაც არჩევნების შემდეგ, მანდატზე უარი არ თქვა.
1
s
s
s