ტრადიციად ქცეული ტყუილები - ასე აფასებენ დაპირებული ელექტროენერგიის საფასურის განახევრების შეუსრულებლობას ოპოზიციაში. ხელისუფლების ოპონენტები ამბობენ, რომ ამ ნაბიჯით, მმართველმა გუნდმა რეალური სახე გამოამჟღავნა. შიშობენ, რომ ტარიფისი გაზრდა ქვეყანაში შექმნილ ეკონომიკურ სიდუხჭირეს, კიდევ უფრო დაამძიმებს.
ეკონომიკური კრიზისის საშიშროებას ხედავენ „ერთიან ნაციონალურ მოძრაობაში“. გიორგი კირთაძე ფიქრობს, რომ მოსახლეობას შუქის ტარიფის გაძვირება ფინანსურად მძიმედ დააწვება. იგი გამოსავალს ხელახალი არჩევნების ჩატარებაში ხედავს.
„ლელო საქართველოში“, ამბობენ, რომ „ქართული ოცნების“ ხელისუფლება რეალურ სახეს ნელ-ნელა ამჟავღავნებს, რადგან ტარიფების განახევრებასთან დაკავშირებული ძველი დაპირება, ხელიფულებაში მოსასვლელი ტრიუკი იყო.
„ევროპულ საქართველოში“ ამბობენ, რომ მმართველ გუნდს ტყუილები ტრადიციად ექცა. ვახტანგ კალოიანი შესაძლო კორუფციულ გარიგებებზე საუბრობს. ამბობს, რომ საკითხში ეკონომიკური ჩარევები აუცილებელია.
მმართველი გუნდში თავს იმით იმართლებენ, რომ მთავრობის გადაწყვეტილებით, ელექტროენერგიის გაზრდილ საფასურს სახელმწიფო დაასუბსიდირებს და იმ ოჯახების გადასახადს დაფარავს, რომლებიც თვეში სამას კილოვატამდე ელექტროენერგიას მოიხმარენ. მართალია, ეს მხოლოდ დროებითი ღონისძიებაა, თუმცა სხვა პასუხი ჩვენ ვერ მოსვიმინეთ.
„ქართული ოცნება“ გაზისა და ელექტროენერგიის ტარიფების განახევრებას 2012 წლიდან აანონსებდა. მას შემდეგ კომუნალური გადასახადები ქვეყანაში რამდენჯერმე გაიზარდა.
4
s
s
s