02, თებერვალი 2021 21:30:00
ამორტიზებული და სიცოხლისთვის სარისკო საბავშვო ატრაქციონები ბათუმში. დაზიანებული ინფრასტრუქტურის გამო, პატარები დაზიანებებს ხშირად იღებენ. ატრაქციონების მოვლა-პატრონობაზე პასუხისმგებელი ბათუმის მუნიციპალური სერვისების სააგენტოა. ამ უკანასკნელში ამტკიცებენ, რომ მონიტორინგს კვირაში რამდენჯერმე ახორციელებენ, თუმცა რატომ არის ასეთი რეგულარული სარეაბილიტაციო სამუშაოების მიუხედავად მოედნები ავარიული? ან რა თანხა აქვს გათვალსიწნებული სააგენტოს ატრაქციონების მოვლა-პატრონობისთვის წლის განმავლობაში?
წლების წინ დამონტაჟებულ საბავშვო ატრაქციონებს, მოუვლელობა უკვე კარგად ეტყობა. დაზიანებული ინფრასტრუქტურის გამო, პატარები დაზიანებებს ხშირად იღებენ. ატრაქციონების ნაწილი, რამდენიმე მისამართზე იმდენადაა ამორტიზებული, რომ შეკეთებასაც აღარ ექვემდებარება.
ატრაქციონების მოვლა-პატრონობა, ბათუმის მუნიციპალური სერვისების სააგენტოს ევალება. უწყების თანამშრომლები მონიტორინგს კვირაში რამდენჯერმე ახორციელებენ, თუმცა ავარიულ გასართობ მოედნებს მაინც ხშირად შეხვდებით.
მშობლები ამბობენ, რომ სარეაბილიტაციო სამუშაოების განხორციელებისთვის, შესაბამისი სამსახურის წარმომადგენლები ეზოებში დიდი ხანია აღარ უნახავთ.
ფაქტების მიუხედავად, სხვას ამტკიცებს ბათუმის მუნიციპალური სერვისების სააგენტო, თუმცა რატომ არის ასეთი რეგულარული სარეაბილიტაციო სამუშაოების მიუხედავად მოედნები ავარიული და თან არა ერთ ან ორ მისამართზე, სააგენტოს დირექტორის მოადგილე ასე გვპასუხობს:
საბავშვო ატრაქციონები ბათუმის, 140 უბანშია დამონტაჟებული. სააგენტომ ბოლო შვიდი თვის განმავლობაში 35 ატრაქციონი შეაკეთა.