2012 წელს, როცა ქვეყნის ხელისუფლების მმართველობა „ქართულმა ოცნებამ“ ჩაიბარა, პრემიერ-მინისტრის პოსტს ბიძინა ივანიშვილი იკავებდა.
“ქართული ოცნების” ხელისუფლოების პირობებში, პრემიერ-მინისტრის თანამდებობა უკვე მეხუთედ დატოვეს. უკანასკნელია გიორგი გახარია. მან გადაწყვეტილება დღეს მიიღო. მისივე განმარტებით, თანამდებობა, გუნდთან, ნიკა მელიას დაპატიმრების საკითხზე შეუთანხმებლობით ახსნა.
მანამდე, ქვეყანას პრემიერის პორტფელი მამუკა ბახტაძისთვის ჰქონდა ჩაბარებული. 2018 წლის 20 ივნისიდან 2019 წლის 2 სექტემბრამდე. მან, თანამდებობის დატოვების შესახებ გადაწყვეტილება საზოგადოებას ვრცელი ფეისბუქ პოსტით ამცნო. გარდა იმისა, რომ საკუთარი საქმიანობა შეაფასა, განსაკუთრებული მადლობა გადაუხადა ბიძინა ივანიშვილს. აღნიშნავდა, რომ რჩებოდა „ქართული ოცნების“ გუნდის წევრად და ქვეყნის “ერთგულ ჯარისკაცად”.
2015 წლის 30 დეკემბერიდან 2018 წლის 13 ივნისამდე ქვეყნის პრემიერ-მინისტრი გიორგი კვირიკაშვილი იყო. თანამდებობიდან რომ მიდიოდა, მთავრობის ადმინისტრაციაში, საგანგებო ბრიფინგზე გააჟღერა. როგორც დღეს გახარიამ, კვირიკაშვილმაც თქვა, რომ მასსა და მმართველ გუნდს შორის რიგ საკითხებზე, აზრთა სხვადასხვაობა გაჩნდა.
ვიდრე მეორედ დაუჭერენ მხარს, ირაკლი ღარიბაშვილი ერთხელ უკვე იყო ქვეყნის პრემიერი. 2013 წლის 20 ნოემბერიდან 2015 წლის 23 დეკემბრამდე. გადადგომის მიზეზებზე არ უსაუბრია. მხოლოდ ის თქვა, რომ: „თანამდებობები არის დროებითი, მარადიული არის უფალი და სამშობლო. ამიტომ დღეს მივიღე გადაწყვეტილება, დავტოვო პრემიერ-მინისტრის თანამდებობა". ბრიფინგს, სადაც ეს სიტყვები თქვა, ჟურნალისტები არ ესწრებოდნენ.
"ქართული ოცნების" ხელისუფლების პირობებში, ქვეყანას კიდევ ერთი პრემეირი ყავდა - ბიძინა ივანიშვილი. იგი, ახალი მთავრობის პირველი მეთაური იყო. იგი თანამდებობიდან, 2013 წლის 20 ნოემბერი წავიდა. “მე მივდივარ პოლიტიკიდან, და დავრჩები აქტიურ მოქალაქედ,” — განაცხადა მან გადადგომის შესახებ საჯარო მიმართვისას. ასევე თქვა, რომ მხოლოდ იმ შემთხვევაში დაბრუნდებოდა «თუ რამე უბედურება მოხდებოდა». პოლიტიკაში, ოფიციალურად, 2018 წელს დაბრუნდა და პარტიის თავმჯდომარე გახდა.
სწორედ მაშინ მოვიდა ირაკლი ღარიბაშვილი ქვეყნის პრემიერ მინისტრად. მაშინ იგი ახალ თანამდებობაზე შინაგან სამქეთა მინისტრობიდან გადავიდა.
8
s
s
s