ერთი დღე ვაქცინაციიდან და ნაკლები აცრის მსურველი. ქვეყანაში მოქმედი 71 ათასი მედიკოსიდან, ვაქცინაციისთვის რეგისტრაცია მედპერსონალის 4 ათას 456-მა წარმომადგენელმა გაიარა. მათგან ათას 143 პირი უკვე აიცრა. საქართველოს ჯანდაცვის სამინისტროს ცნობით, ამ ეტაპზე, აცრის შემდგომ, გარკვეული გვერდითი მოვლენები გამოიკვეთა, როგორიცაა ტემპერატურის მცირე მატება და ზოგადი სისუსტე. რაც შეეხება სერიოზულ გვერდით მოვლენებს, ადგილი არ ჰქონია. იმუნიზაციის პროცესში ჩართულობისკენ კოლეგები ერთმანეთს კიდევ ერთხელ მოუწოდებენ და და აღნიშნავენ, რომ სწორედ ვაქცინაა ის, რაც პანდემიას დაასრულებს.
მედ-პერსონალი, ვაქცინაციის შემდგომ, მოსალოდნელ შესაძლო გართულებებზე, რომ ინფორმირებულია, ექიმებიც საუბრობენ. შალვა კუტალაძე. თვლის, რომ მედიკოსების გარკვეული ნაწილის ანტივაქსერული განწყობა, მოსახლეობაზე უარყოფითად მოქმედებს. აცრა თავადაც გაიკეთა. ვაქცინის სანდოობის განმსაზღვრელი კი, მისთვის, პრეპარატზე ჯანდაცვის მსოფლიო ორგანიზაციის რეკომენდაციაა.
საქართველოში არსებულ ვაქცინაზე სიღმისეული კვლევები ჯერ არ ჩატარებულა და უკუჩვენებებზეც თითქმის არაფერია ცნობილი. ამის მიუხედავად, პანდემიის შეჩერების, ერთადერთ, გზად, ექიმ, გიორგი კაპანაძეს, ვაქცინა მიაჩნია. მედიკოსი, სამედიცინო სფეროში დასაქმებულების გარკვეული ნაწილის და საზოგადოების ანტივაქსერულ განწყობას, აცრის გარშემო გაჩენილ პასუხ გაუცემელ კითხვებს უკავშირებს.
განსხვავებული მოსაზრება აქვს, გიორგი დიასამიძეს. სამედიცინო სფეროს წარმომადგენელს მიაჩნია, რომ ვაქცინის სანდოობაში ეჭვი ინფორმაციის დეფიციტმა გააჩინა. .ექიმი ამ ფაქტს, ხელისუფლების არასტაბილურ გადაწყვეტილებებსაც უკავშირებს.
„ასტრაზენეკას“ ვაქცინაციის შეჩერებაზე საუბრობს გიორგი ფხაკაძე. გაეროს გენერალური მდივნის მრჩეველი ჯანდაცვის საკითხებში ამბობს,რომ პრეპარატი გარკვეული კითხვის ნიშნის ქვეშ აღმოჩნდა და საქართველო, საკითხზე „ევროპის წამლის სააგენტოს“ გადაწყვეტილებას უნდა დაელოდოს.
ასტრაზენეკას 43 ათას 200 დოზა ვაქცინა, საქართველოში, 13 მარტს შემოვიდა. პირველ ეტაპზე, კოვიდსაწინააღმდეგო აცრა, სამედიცინო პერსონალს უტარდება. აჭარაში მოქმედი პერსონალისთვის 4 ათასი დოზაა გამოყოფილი, თუმცა, მზაობა, მცირე ნაწილმა, დაახლოებით 140-მა მედიკოსმა გამოთქვა.
7
s
s
s