20 გარდაცვლილი და 200-ზე მეტი დაშავებული ბავშვი 2020 წელს. 900-მდე დაშავებული და 19 გარდაცვლილი - 2019 წელს- ეს ავტოსაგზაო შემთხვევების სტატისტიკაა ბოლო რამდენიმე წლის განმავლობაში. რა იწვევს საგანგაშო ციფრებს? მშობლები ამტკიცებენ, რომ საგანმანათლებლო დაწესებულებებთან მოზარდების გადაადგილება უსაფრთხო არ არის, რადგან საგზაო ინფრასტრუქტურა საჭიროებებს ვერ პასუხობს. მესამე სექტორი კი სამოქალაქო ცნობიერების ამაღლების აუცილებლობაზე საუბრობს. ნინია მესხიძე არკვევდა, რატომ ვერ აგვარებს ამ პრობლემას სახელმწიფო,რომელსაც ბავშვზე ზრუნვა პრიორიტეტთა ჩამონათვალში აქვს შეტანილი?
ეს კადრები, ბათუმში, პირველ საჯარო სკოლასთან გადავიღეთ. მარტივი შესამჩნევია, რომ სასწავლო დაწესებულების წინ, ე.წ. ზებრა გადასასვლელი, საერთოდ, არ არის. ვითარება ცოტათი განსხვავებულია მე-8 სკოლასთან. შენობის წინ, გადასასვლელი არის, თუმცა, არასრულყოფილად. უარესი მოცემულობა გვაქვს, მე-9 საჯარო სკოლასთან. ტაბიძის ქუჩაზე, როდისმე, ქვეითად მოსიარულეებისთვის განკუთვნილი საგზაო მაჩვენებლის არსებობა, საეჭვოა.
სწორედ, ტაბიძის 13 ნომერში მდებარე სკოლაში სწავლობს სოფია ზანდარაძის პირველკლასელი შვილი. ის, ჯერ პატარაა, თუმცა, მშობელი, მის სკოლაში მარტო გაშვებას სამომავლოდაც არ აპირებს. მიზეზი ნათელია, საგანმანათლებლო დაწესებულები წინ, უსაფრთხო გადაადგილებისთვის საჭირო ნიშნები არ არსებობს.
არსებული პრობლემის სიმწვავეზე საუბრობს, კიდევ, ერთი მშობელი. როზანა ზანდარაძის განმარტებით, ქალაქში ყოველდღიური მოძრაობისას, რწმუნდება, რომ სკოლებთან ფეხით მისვლა სახიფათოა. ამბობს, რომ მეტიც, ბათუმში, მძღოლებისთვისაც, სასწავლო დაწესებულების მიმანიშნებელი ნიშნებიც იშვიათია.
ქალაქი ბავშვების საჭიროებებზე მორგებული არ არის - ამბობს ლალი ანთიძე. მოქალაქის შეფასებით, სკოლების მიმდებარე ტერიტორიებზე უსაფრთხოების ბარიერები იშვიათად არის და ისიც სიმბოლურად. ნიშნულები, რეალურ ფუნქციას ვერ ასრულებენ.
აჭარის საავტომობილო ფედერაციის ქალთა ასოციაციაციაში, მნიშვნელოვნად მიაჩნიათ, ამ მხრივ, მოსწავლეების ცნობიერების ამაღლება. ვიცე-პრეზიდენტი ამბობს, რომ ხშირად უნახავს შემთხვევა, როცა მშობელს შვილი გზის იმ მონაკვეთზე გადაჰყავს, სადაც არ შეიძლება.
ვითარება რომ პრობლემურია და მოგვარებას საჭიროებს, საუბრობენ მმართველ გუნდშიც. ტიტე აროშიძის განამრტებით, სიტუაციის გამოსასწორებლად ე.წ. მწოლიარე პოლიციელებისა და ზებრა გადასასვლელების მოწესრიგება მიმდინარეობს. პროცესი, ზაფხულამდე უნდა დასრულდეს.
ავტოსაგზაო შემთხვევების მაღალი მაჩვენებელი, ქვეყანაში, კვლავ გამოწვევად რომ რჩება, სტატისტიკაც მოწმობს. ბოლო სამი წლის განმავლობაში, ავარიის შედეგად, საერთო ჯამში, 51 მოზარდი გარდაიცვალა. დაშავდა ათას 522. მონაცემები, მხოლოდ, სასწავლო დაწესებულებებთან არა დაკავშირებული, თუმცა, მოზარდთა უმეტესობა, სწორედ, ქვეითად მოსიარულეთა გადასასვლელზე დაზიანდა.
1
s
s
s