27, აპრილი 2021 21:59:00
ხელვაჩაურის მერია ჯუმბერ ვარდმანიძის ხელმძღვანელობის პერიოდში სკანდალში კიდევ ერთხელ ეხვევა. უწყების ადმინისტრაციის უფროსს ყოფილი ცოლი ფიზიკურ ანგარისწორებაში ადანაშაულებს. სავარაუდო მოძალადე მუნიციპალიტეტში ამ დრომდე აგრძელებს მუშაობას. ოჯახში ძალადობის ფაქტს პროკურატურა იძიებს. სავარაუდო დანაშაულის შესახებ ინფორმაცია მუნიციპალიტეტის მერს აქვს, თუმცა ვარდმანიძე გამოძიების შედეგებს ელოდება და თავის წილ პასუხისმგებლობას პროცესში ამ ეტაპზე ვერ ხედავს. საქმე ისაა, რომ მეუღლეზე ძალადობაში ბრალდებული ხელვაჩაურის მერის ნათესავია. დაზარალებულის ადვოკატს ეს გარემოება კი იმის თქმის საფუძველს აძლევს, რომ მირზა ბახტაძეს გავლენიანი მაღალჩინოსნები მფარველობენ.
მირზა ბახტაძე, წლებია, ხელვაჩაურის მერიის ადმინისტრაციის უფროსია. საჯარო მოხელეს, 2021 წლის 11 მარტს, ბრალი ოჯახში ძალადობის ფაქტზე წარუდგინეს. განმეორებითი ექსპერტიზის დასკვნის საფუძველზე კი მას ბრალი დაუმძიმდა. დაზარალებულის ადვოკატის მტკიცებით, მაღალჩინოსანმა მეუღლსა და ოჯახის სხვა წევრზე ფსიქოლოგიურად ასევე, ფიზიკურად რამდენჯერმე იძადა.
მიუხედავად იმისა, პროკურორმა, მირზას ყოფილი მეუღლე და ოჯახის სხვა წევრი, დაზარალებულად ორჯერ სცნო, საჯარო მოხელეს, მხოლოდ გირაო აქვს შეფარდებული. ადვოკატი განმარტავს, რომ ეს მოცემულობა, ბრალდებულს აძლევს შესაძლებლობას, მსხვერპლზე და მოწმეებზე მოახდინოს გავლენა, გაანადგუროს მტკიცებულებები ან დაზარალებულს უარი ათქმევინოს მის წინააღმდეგ ჩვენების მიცემაზე.
ცოლზე ძალადობას მირზა ბახტაძე კატეგორიულად უარყოფს და გამოძიების შედეგებს ელოდება. მაღალჩინოსანი დღეს, ჩართული კამერის წინ კითხვებზე საპასუხოდ მზად არ აღმოჩნდა და დაიმალა. სატელეფონო საუბრისას კი გვითხრა, რომ ჩვენ მასზე ფსიქოლოგიურ ზეგავლენას ვახდენთ, რის გამოც გვიჩივლებს.
როგორც აღმოჩნდა ოჯახში არსებული კონფლიქტის შესახებ ინფორმაცია ხელვაჩაურის მერს გააჩნია, თუმცა ჯუმბერ ვარდმანიძე სავარაუდო, მოძალადის გათავისუფლებას იქამდე არ აპირებს, ვიდრე გამოძიება არ დასრულდება. საქმე ისაა, რომ ხელვაჩაურის მერი, მირზა ბახტაძის დის მამათილია. ეს გარემოება კი დაზარალებულის ადვოკატს იმის თქმის საფუძველს აძლევს, რომ საჯარო მოხელეს გავლენიანი მაღალჩინოსნები მფარველობენ.
ადვოკატი ამბობს, რომ ოჯახის დატოვების შემდეგ დაზარალებულ ქალს შვილი წაართვეს და მცირეწლოვანი დედის წინააღდეგ განაწყვეს. ძალადობის მსხვერპლს ამ ეტაპზე საჯაროდ საუბარი უჭირს, იგი ახლა მოსამართლის გადაწყვეტილებას ელოდება. პროკურატურის ინფორმაციით, ხელვაჩაურის მერიის მაღალჩინოსანს ბრალი სისხლის სამართლის კოდექსის 126-ე პრიმა მუხლით აქვს წარდგენილი, რაც ოჯახში ძლადობას გულისხმობს.