24, მაისი 2021 13:51:00
სადავო საარჩევნო რეფორმაზე, დღეს პარლამენტში, კომიტეტების გაერთიანებულ სხდომაზე იმსჯელეს. განხილვები ხვალაც იქნება. უკვე მომდევნო კვირაში კი პლენუმმა კანონპროექტს, კენჭი, პირველი მოსმენით უნდა უყაროს. დოკუმენტი, რეკომენდაციებისთვის, უკვე გადაგზავნილია ვენეციის კომისიაში. მმართველი გუნდი, შედგენილი დოკუმენტით კმაყოფილია. ამბობენ, რომ იგი გამორიცხავს ხმების გაყალბების შესაძლებლობას. ამის სწამს ოპოზიციის ერთ ნაწილსაც, მეორე ნახევარში კი დარწმუნებული არიან, რომ საარჩევნო კოდექსში დაგეგმილი ცვლილებები ვერ იქნება გარანტია, რომ გაყალბებეს ადგილი არ ექნება. აცხადებენ, რომ ყველაფერი, მაინც „ქართული ოცნების“ ნებაზე იქნება დამოკიდებული. რა შენიშვნები და ალტერნატიული წინადადებები აქვთ პარტიებს, სად ხედავენ ისინი საფრთხეებს, სწორედ ამაზე გესაუბრებით დღევანდელ ეთერში. ეს არის გადაცემა პოზიცია, მე კი ჟურნალისტი თამარ კიკნაძე ვარ, გამარჯობა. ჩემთან ერთად დღეს სტუდიაში არიან: მურმან დუმბაძე - „ემსახურე საქართველოს“ ერთ-ერთი ლიდერი, პეტრე ზამბახიძე - „ევროპული საქართველო“-ს წევრი და ვაჟა დარჩია - „ლელო საქართველოსთვის“ წევრი.