26, მაისი 2021 21:59:00
მსოფლიოს ნებისმიერ ქვეყანასა და მათ შორის საქართველოშიც, უმუშევრობით გამოწვეული ეკონომიკური შედეგები ისეთ მნიშვნელოვან გლობალურ პრობლემებთან ერთად განიხილება, როგორიცაა სიღარიბე და სოციალური სტაბილურობა. სამუშაო ადგილების არ არსებობა ზრდის სოციალურ რისკებს, აფერხებს ეკონომიკურ ციკლებს და საფრთხეს უქმნის ქვეყნის მომავალს. ერთ-ერთი ბოლო სტატისტიკის თანახმად, რომელსაც შრომის საერთაშორისო ორგანიზაცია ავრცელებს, საქართველო, მსოფლიო მასშტაბით, უმუშევრობის დონით პირველ ათეულშია. შრომის უვარგისობის ყველაზე მაღალ მაჩვენებელზე მოქალაქეები, ოპოზიცია და მესამე სექტორიც საუბრობს.
შრომის საერთაშორიო ორგანიზაციის ეს ანგარიში, მიმდინარე წლის 14 მაისით თარიღდება. გამოქვეყნებული სტატისტიკის თანახმად, საქართველო, მსოფლიო მასშტაბით, უმუშევრობის დონით პირველ ათეულში შედის. იკავებს მეათე ადგილს და მაჩვენებელი 18.5%-ს უტოლდება. მას უსწრებს ისეთი ქვეყნები, როგორებიცაა სამხრეთ აფრიკა, ჯიბუტი, ბოსტვანა, ნამიბია და სხვები. უფრო ზუსტად, რომელ ქვეყნებს აქვს შრომის უვარგისობის ყველაზე მაღალი მაჩვენებელი? ჩამონათვალი ასეთია:
ქვეყნის რთულ ეკონომიკური მდგომარეობაზე საუბრობენ მოქალაქეებიც. ადგილობრივების თქმით, სტატისტიკა არსებული რეალობის პირდაპირპროპორციულია. ისინი, ხელისფულებას წინასაარჩევნო დაპირებების შესრულებას სთხოვენ. კერძოდ, დამატებითი სამუშაო ადგილების შექმნას.
საქართველო, შრომის უვარგისობის ყველაზე მაღალ მაჩვენებლიან ქვეყანათა ჩამონათვალში რომ შედის, არ უკვირთ ოპოზიციაში. „ნაციონალურ მოძრაობის“ წევრის, გიორგი კირთაძის თქმით, ამის მიზეზი ისაა, რომ ხელისუფლებას, ეკონომიკური განთვითარებისთვის საჭირო ხედვა არ გააჩნია.
თითქმის იდენტური მოსაზრება აქვთ „ადამიანის უფლებების სწავლებისა და მონიტორინგის ცენტრში“. EMC-ში ამბობენ, რომ მონაცემები, ძირითადად, სამუშაოს აქტიურ მაძიებლებს მოიცავს და არსებულ ვითარებას სრულად არ ასახავს.
საკითხის კომენტირება აჭარის უმაღლესი საბჭოს წევრებს ვთხოვეთ, თუმცა, წარმომადგენლობითი ორგანოს დეპუტატებმა თემაზე საუბარი არ ისურვეს. ცნობისთვის, შრომის საერთაშორისო ორგანიზაციის მონაცემები, 2020 წლის მონაცემებს ეყრდნობა.