ბავშვთა სიღარიბე, ბავშვის მიმართ ძალადობა, ბავშვზე სახელმწიფო ზრუნვა, ბავშვის განათლება - ეს საკითხები მსოფლიო ქვეყნების დღის წესრიგის პრიორიტეტშია. განსკუთრებულ აქტუალობას კი პრობლემებზე საუბარი 1 ივნისს იძენს- ბავშვთა ბავშვთა დაცვის საერთაშორისო დღეს. თარიღი მსოფლიოს სხვადასხვა ქვეყანაში 1950 წლიდან აღინიშნება. როგორია ბავშვთა უფლებრივი მდგომარეობა საქართველოში?სალომე უსტალიშვილი გიამბობთ
თორმეტი წლის, მარიამს ბავშვური ოცნებები არ აქვს. მისი სურვილიც და ოცნებაც ერთია. სურს, რომ საკვები ჰქონდეს. ტბილეული,მისთვის ერთგავრი ფუფუნებაა, თუმცა, ბოლოს როდის ჭამა ვერ იხსენებს. ხშირიდ სასწავლო დაწესებულებაშიც ვერ მიდის, მიზეზი კი, ტანსაცმლის უქონლობაა.
ქვეყანაში, ათასობით ბავშვი რომ მარიამის მდგომარეობაშია, არ უარყოფენ, აჭარის უმაღლეს საბჭოში, ამბობენ, იმასაც, რომ რასაც სახელწიფო აკეთებს არასაკმარია. საკმარისი არც ის, დახმარებაა, რასაც ხელისუფლება გასცემს. ცოტნე ანანიძე, ამბობს, რომ ეს რეალობა მწირი ბიუჯეტითაა გამოწვეული.
ბავშვების უფლებრივი მდგომარეობის შესაბამისი მონიტორინგი რომ ბათუმის მაგალითზეც ვერ ხერხდდება, ადასტურებენ ბათუმი მერიაში. ბავშვთა უფლებების დაცვისა და მხარდაჭერის განყოფილებაში ამბობენ, რომ ძირითადად მიმართვიანობაზე მუშაობენ, თუმცა, ასეთ პირებს, თავად განყოფილებაც ეძებს. მომსახურება კი, სპეციალისტების გუნდის მიერ, ბავშვებისა და ოჯახის საჭიროებების შეფასებას და დახმარების გაწევას გულისხმობს.
ბავშვთა უფლებები, რომ დაცული არაა, ამაზე ნინო ლომჯარიაც საუბრობს. სახალხო დამცველი, სახელმწიფოს, ქმედითი ნაბიჯების გადადგმიკენ მოუწოდებს, რადგან ყველა მოზარდის უფლება თანაბრად იყოს დაცული. ომბუდსმენი აღნიშნავს, რომ საქართველოში მოზარდების უფლებების უმძიმესი დარღვევის ფაქტები იკვეთება, ამას კი, მხარდამჭერი სერვისების არაეფექტურ მუშაობას უკავშირებს.
არასამთავრობო ორგანიზაცია „იალქანში“ ამბობენ, რომ ყოველდღიურად ათამდე და ან უფრო მეტი ოჯახი აკითხავთ, რომლებიც სიიღარიბის ზღვარს ქვემოთ არიან. თიკო აბაშიძე ირწმუნება, რომ მოზარდებს განათლების მიღებაც არათანაბარ პირობებში უწევთ, რაც მათ ყოფას უფრო ამძიმებს. აბაშიძის თქმით, იმისთვის, რომ არასრულწლოვნების უფლებები დაცული იყოს ხელისუფლება არაფერს აკეთებეს.
ბავშვების უფლებების არათანაბარ დაცვაზე საუბრობენ, გაეროს ბავშვთა ფონდშიც. მათ მიერ ჩატარებულ კვლევაში იკვეთება, რომ მუნიციპალიტეტები ჯერ კიდევ ვერ ახერრხებენ იმას, რომ ბავშვების საჭიროებებზე ეფექტიანი რეაგირება მოახდინონ.