04, ივნისი 2021 18:19:00
ნინოწმინდის ბავშვთა პანსიონში სამართალდამცავები შევიდნენ. ინფორმაციას შინაგან საქმეთა სამინისტრო ავრცელებს. უწყების ცნობით, საგამოძიებო მოქმედებები უწყვეტ რეჟიმში მიმდინარეობს. უკვე გამოიკითხა რამდენიმე მოზარდი. “პანსიონის შემოწმებისას 6-მა არასრულწლოვანმა დაწესებულების დატოვების სურვილი გამოთქვა”. ამ ინფორმაციას კი, სახელმწიფო ზრუნვის სააგენტო ავრცელებს. იდენტიფიცირებულია კიდევ 10 ბავშვი, რომელთა გამოყვანაზეც მუშაობა მიმდინარეობს. დღესვე ცნობილი ხდება, რომ ჯანდაცვის სამინისტროს რეგულირების სააგენტო დაწესებულებაში სალიცენზიო პირობებს ამოწმებს.