07, ივნისი 2021 14:24:00
ვიდრე ოპოზიცია თავის პრინციპულ გადაწყევტიელბას არ ცვლიდა, მმართველი გუნდი მათი მიპატიჟებით არ იღლებოდა და მუდმივად ოპონენტებს ამომრჩეველთა ინტერესების დაცვისკენ მიუთითებდა. ხაზგასმით აღნიშნავდნენ, რომ დეპუტატის ადგილი საკანონმდებლო ორგანოშია და არა ქუჩაში. ისევე როგორც საქართველოს პარლამენტმა, აჭარის უმაღლესმა საბჭომაც, იმისთვის, რომ ერთპარტიულები არ ყოფილიყვნენ, რამდენჯერმე გადადეს ნაციონალური მოძრაობისთვის უფლებამისილების შეწყვეტის საკითხი. მას შემდეგაც კი, როცა გაერთიანებულ ოპოზიციას ირაკლი ჩავლეიშვილი გამოეყო და ქართული ოცნება ამბობდა, რომ ერთპარტიულები აღარ იყვნენ. იმას ნამდვილად არ მალავდნენ, რომ ოპოზიციის კრიტიკის თუ შენიშვნების გათვალისწინებას არ აპირებდნენ, თუმცა წარმოდგენა, რომელიც გუშინ, სხდომათა დარბაზში ვიხილეთ, ყოველგვარ მოლოდინს გადასცდა. რისთვისაც შეიკრიბნენ, მხოლოდ მაშინ გაახსენდათ, როცა ერთმანეთის ლანძღვით, ჩხუბითა და მუქარით იჯერეს გული. რა შედეგს გამოიღებს განსხვავებული აზრი, როცა სინამდვილეში იგი არავის უნდა - გიორგი კირთაძე და ცოტნე ანანიძე არიან ჩემი სტუმრები.