22, ივნისი 2021 17:12:00
დღეიდან ღია სივრცეში პირბადის ტარება სავალდებულო აღარ იქნება. პირველი ივლისიდან კი, გადაადგილებაზე დაწესებული შეზღუდვა უქმდება. ინფორმაცია საკოორდინაციო საბჭოს სხდომის შემდეგ გახდა ცნობილი. კვლავ, სავალდებულოდ რჩება, დახურულ სივრცეებში, საზოგადოებრივ ტრანსპორტსა და გაჩერებებზე პირბადის ტარება. შეზღუდვები გრძელდება რესტორნების მიმართაც. კვების ობიექტები, მხოლოდ, 11 საათის ნაცვლად, ღამის 12:00 საათამდე იმუშავებენ. მსგავსი შეზღუდვა ვრცელდება სასტუმროს რესტორნებზეც. კვლავ შეზღუდული რჩება ღამის კლუბების მუშაობა.