02, ივლისი 2021 14:37:00
დიაბეტი მსოფლიოში, მათ შორის საქართველოში ერთ-ერთი საკმაოდ ფართოდ გავრცელებული, ქრონიკული დააავდებაა. მისი რამდენიმე ტიპი არსებობს. ეს რის ტიპი ერთი, ტიპი ორი, ავტოიმუნური და გესტაციური დიაბეტი. მათგან ყველაზე ხშირად ენდოკრინოლოგები პრაქტიკაში დიაბეტის მეორე ტიპს ხვდებიან.
დიაბეტის ტიპი ერთი ფორმა უფრო ახალგაზრდა ასაკში ჩნდება. შეიძლება ჩამოყალიბდეს მოზარდობის პერიოდშიც კი.
დიაბეტს, სხვადასხვა სახის და ამასთან საკმაოდ სერიოზული გართულებების გამოწვევა ახასიათებს. შეიძლება განვითარდეს დიაბეტური ტერფი, ოფთალმოლოგიური და თირკმლის პრობლემები, თუმცა ყველაზე ხშირად მას მაინც გულის დაავადებების განვითარება სჩვევია. დიაბეტით დაავადებულ ადამიანებს, ყველაზე მეტად აქვთ მომატებული რისკი, განუვითარდეთ ინფარქტი და ინსულტი, რადგან ხანგრძლივი და ცუდად კონტროლირებადი გლუკოზის დონე ზრდის სისხლძარღვთა გამტარუნარიანობის შემცირებას.
რამდენად დაექვემდებარება კონკრეტული პაციენტი მართვას და რამდენად არის შესაძლებელია, შესაძლო გართულებების არიდება, ეს ინდივიდუალური შეფასების საგანია, თუმცა ექიმები გვარწმუნებენ, რომ მუდმივი მონიტორინგი პრევენციისთვის ძალიან მნიშვნელოვანია.