16, ივლისი 2021 13:51:00
ექოსკოპიური კვლევა თანამეროვე მედიცინაშიც ისეთივე აქტუალურია, როგორც გასულ საუკუნეში. იგი დღემდე ერთ-ერთი საუკეთესო საშუალებაა იმისთვის, რომ მოხდეს შინაგანი ორგანოების დათვალიერება. ექოსკოპიური კვლევები გამოიყენება მუცლის ღრუს ნოზოლოგიებისას, საშარდე სისტემის, სარძევე და ფარისებრი ჯირკვლის, ლიმფური კვანძების დიაგნოსტირებისას და სხვა. ულტრაბგერითი გამოკვლევა რადიოლოგს საშუალებას აძლევს გამოავლინოს სიმსივნური წარმონაქმნებიც.
ექოკოპია ასევე მნიშვნელოვანი და შეიძლება ითქვას უალტერნატივო კვლევის მეთოდია გინეკოლოგიაში. გესტაციის სხვადასხვა ეტაპზე ნაყოფის შეფასება სწორედ ექიმ-რადიოლოგის დახმარებით ხდება.
ექოსკოპია არანაკლებ მნიშვნელოვანია კარდიოლოგიაში, თუმცა არის შემთხვევები, როდესაც უტყუარი დიაგნოზისთვის ეს ყოველთვის საკმარისი არ არის. გულის მუშაობის შეფასებისთვის, ექიმები პაციენტებს ხშირად ამისამართებენ ფიზიკური დატვირთვის ტესტზე, მოძრავ სარბენ ბილიკზე.
სხვადასხვა პათოლოგიის დადასტურებისთვის, თანამედროვე მედიცინაში არსებობს გაცილებით ღრმა სადიაგნოსტიკო საშუალებები, ისეთი, როგორიცაა კარდიოექოსკოპია, კომპიუტერული ტომოგრაფია, მაგნიტურ-რეზონანსული კვლევა, კორონაროგრაფია და სხვა.