„საქართველოს ევროკავშირის ძლიერი მხარდაჭერა აქვს და მასშტაბური პროგრამა მზადდება" - არჩილ თალაკვაძე
პოლიტიკა
„საქართველოს ევროკავშირის ძლიერი მხარდაჭერა აქვს და მასშტაბური პროგრამა მზადდება,“ - ამის შესახებ პარლამენტის ვიცე-სპიკერმა არჩილ თალაკვაძემ ევროკომისარ ოლივერ ვარჰეისთან შეხვედრის შემდეგ განაცხადა.
თალაკვაძის თქმით, ევროკომისართან შეხვედრა ძალიან პოზიტიური იყო.
„ძალიან პოზიტიური შეხვედრა გვქონდა ევროკომისართან სამეზობლო პოლიტიკისა და გაფართოების საკითხებში ოლივერ ვარჰეისთან. განვიხილეთ საქართველოს დემოკრატიული რეფორმები, „მიშელის შეთანხმების“ შედეგად პარლამენტში მიღებული გადაწყვეტილებები და სამომავლო გეგმები.
რაც მთავარია, საქართველოს აქვს ევროკავშირის ძლიერი მხარდაჭერა და მზადდება მასშტაბური პროგრამა, რომლითაც ევროკავშირი საქართველოს ეკონომიკურ ზრდაში, ახალი სამუშაო ადგილების შექმნასა და სტრატეგიული პროექტების განხორციელებაში დაეხმარება - დემოკრატიულ რეფორმებთან ერთად, ეს დააჩქარებს ჩვენი ქვეყნის ინტეგრაციას ევროპულ ოჯახში და თითოეული ჩვენი თანამოქალაქის კეთილდღეობაზე აისახება“, - აცხადებს არჩილ თალაკვაძე.
7
s
s
s