დაზიანებული მაყუჩით მოძრავი ავტომობილები - რეპორტაჟი,რომელსაც ახლა ნახავთ, ერთი შეხედვით შესაძლოა არც თუ ისე პრობლემურად მოგეჩვენოთ, თუმცა საკითხს ჩვენ სხვა კუთხით დაგანახებთ. ქალაქში ბევრ ისეთ ავტოსატრანსპორტო საშუალებას შენიშნავთ, რომლებიც დისკომფორტის შემქმნელ ხმას გამოსცემენ. შემაწუხებელი ხმაური განსაკუთრებით პატარებს აშინებთ, თუმცა სასიამოვნოდ მოსასმენი არც ზრდასრული ადამიანებისთვისაა.
„მაცნეს“ კამერა, გორგილაძის ქუჩას, რამდემინე წუთის განმავლობაში იღებდა. დაზიანებული მაყუჩით სატრანსპოტო საშუალების პოვნა არ გაგვიჭირდა, რადგან ათი წუთის ინტერვალში ასეთი რამდენიმე, ერთდროულად გამოჩნდა.
მძღოლებმა იმაზე, თუ რას ემსახურება გადაადგილებისას, დისკომფორტის შემქმნელი ხმა, კამერებთან საუბარი არ ისურვეს, თუმცა, მოქალაქეების აზრით ეს ავტოსატრანსპოტრო საშუალების მფლობელის მიმართ, ყურადღების მიპყრობას ემსახურება. ჩვენს მიერ გამოკითხული პირები ამბობენ, რომ მანქანის მსგავსი ხმაური შემაწუხებელია და ამაზე, შესაბამისი უწყება, მკაცრ კონტროლს უნდა ახორციელებდეს.
ეს ხმა, განსკუთრებით, პატარებს აშინებთ. მშობლები ამბობენ, რომ ამის გამო, პოლიციას არაერთხელ მიმართეს, თუმცა, რეაგირებას არავინ ახდენს.
რამდენი პირი ჯარიმდება ამ მიზეზით, ან რამდენს მიეცა გაფრთხილება უცნობია. თუმცა, როგორც ტექ-დათვალიერების ცენტრში გვითხრეს, აქ მოქალაქეები ასეთი ავტომობილებით, ყოველდღიურად მრავლად მიდიან. მათივე თქმით, მსგავსი ტიპის ავტომანქანა დაზიანებული მაყუჩის ხარჯზე, გაძლიერებული ხმით, ტექნიკურ დათვალიერებას ვერ გადის.
მაყუჩის დაზიანებით გამოწვეულ ხმაურზე, ჯარიმა რამდენიმე წლის წინ დაწესდა. პირი, რომლის ავტომობილის ხელნაკეთი მაყუჩის ხმა, ქარხნულ ნორმას სცდება, შინაგან საქმეთა სამინისტრო, საქართველოს სისხლის სამართლის კოდექსის, 119 მუხლის მეხუთე ნაწილით აჯარიმებს, რაც ას ლარიან საქნციას ითვალისწინებს.
14
s
s
s