სისხლიანი გარჩევა ბათუმში. დაჭრილია ერთი ადამიანი. შემთხვევა ვაჟა ფშაველას ქუჩაზე მოხდა. თვითმხილველების განმარტებით, 35 წლის კაცი, დაპირსპირებული 2 ადამიანის გაშველების დროს დაშავდა. დაჭრილი, კლინიკა „მედცენტრში“ გადაიყვანეს. როგორია მისი ჯანმრთელობის მდგომარეობა და რა მუხლით დაიწყო გამოძიება შინაგან საქმეთა სამინისტრომ?
1 ადამიანის დაშავებით დასრულებული სისხლიანი გარჩევა, ბათუმში, დღეს დილით მოხდა. 35 წლის მამაკაცი იმ დროს დაიჭრა, როცა 2 დაპირისპირებულ ადამიანს აშველებდა. კონფლიქტის მიზეზი უცნობია.
დაჭრილი, „მედცენტრში“ გადაიყვანეს. სამედიცინო დაწესებულების ინფორმაციით, დაზარალებული კლინიკაში თვითდინებით შევიდა. მას ჭრილობა, მარცხენა ქვედა კიდურის არეში, სავარაუდოდ ცივი იარაღით ჰქონდა მიყენებული. პაციენტის მდგომარეობა სტაბილურია, თუმცა, საყურადღებო.
შინაგან საქმეთა სამინისტრო, მომხდარს, სისხლის სამართლის კოდექსის 118-ე მუხლით იძიებს, რაც ჯანმრთელობის განზრახ, ნაკლებად მძიმე დაზიანებას გულისხმობს.
დააკავეს თუ არა ვინმე მომხართან დაკავშირებით? შინაგან საქმეთა სამინისტროში, მხოლოდ, იმას გვეუბნებიან, რომ გამოძიება მიმდინარეობს. დამატებითი დეტალები კი, უცნობია.
1
s
s
s