25, იანვარი 2017 08:34:00
კახაბრის ქუჩის 32 ნომერში მცხოვრებლები ეზოს კეთილმოწყობას ითხოვენ. იმის გამო, რომ დასახლებაში არ არსებობს სანიაღვრე და საკანალიზაციო სისტემა გაუსაძლისი მდგომარეობაა, ატალახებულ ტერიტორიაზე ჭირს გადაადგილებაც. ყოფილი ნარკოლოგიური საავადმყოფოს შენობაში შესახლებული ეკომიგრანტები ამბობენ, რომ არაერთი დაპირების მიუხედავად, ბათუმის მერიამ ინფრასტრუქტურა სრულყოფილად არ მოაწესრიგა. აქ მცხოვრებლები კიდევ ერთ პრობლემაზე საუბრობენ. საკანალიზაციო ქსელი ეზოში არსებულ ღია ავზზეა დაერთებული . ადგილზე დღეს ოპოზიციის წარმომადგენლებიც იმყოფებოდნენ. „ ნაციონალური მოძრაობა“ მერიას უყურადღებობაში ადანაშაულებს. საპასუხო კომენტარს მომდევნო გამოშვებაში შემოგთავაზებთ.