ჯანდაცვის მინისტრის მოადგილის, თამარ გაბუნიას განცხადებით, საქართველოში ორჯერ ვაქცინირებულებში კორონავირუსით ინფიცირების მაჩვენებელი 0.3%-ია, რაც, მისი შეფასებით, საკმაოდ დაბალი მაჩვენებელია.

თამარ გაბუნიას თქმით, ვაქცინირებულ პირებში გარდაცვალების არცერთი შემთხვევა არ დაფიქსირებულა.

"ბოლო პერიოდში ისმის შეკითხვები იმასთან დაკავშირებით, თუ რა აზრი აქვს აცრას, თუკი მაინც დაინფიცირდება ადამიანი. ყველამ კარგად ვიცით, რომ ინფექციისგან 100%-ით არცერთი ვაქცინა არ გვიცავს, ინფიცირება შეიძლება მაინც დადგეს, "ფაიზერის" შემთხვევაში, ეს არის 10%-ზე ნაკლები, სხვა ვაქცინის შემთხვევაში შეიძლება იყოს 15-20%, თუმცა შემთხვევები იქნება მსუბუქი და არ დადგება ლეტალობა," - აცხადებს თამარ გაბუნია. 

Tags:

• თამარ გაბუნია

გაზიარება

7