კოვიდ-19 ჩვენს ცხოვრებაში ამ დრომდე რჩება მთავარ გამოწვევად. სპეციალისტები იმასაც შეგვახსენებენ, რომ ვირუსის ორგანიზმიდან განდევნა, პრობლემების დასრულებას სულაც არ ნიშნავს. მედიკოსები ადასტურებენ, რომ პოსტკოვიდურ პერიოდში გულსისხლძარღვთა და ფილტვების პრობლემები, ასევე ნევრული აშლილობა რჩება. უფრო კონკრეტულად, რა შესაძლო გართულებებს ტოვებს ვირუსის გადატანა?
თავის ტკივილი, სუნთქვის უკმარისობა, ძილის რეჟიმის დარღვევა, სისუტე, მუდმივი დაღლილობის შეგრძნება - ეს სიმბტომები მეგი მოისწრაფიშვილს, მას შემდეგ დაეწყო, რაც კორონავირუსი გადაიტანა. გვიყვება, რომ ტესტის დადებითობის შემდეგ განსაკუთრებული, გამოხატული ჩივილები არ ჰქონია. თუმცა ყველაფერი შემდეგ დაიწყო. ვირუსის გადატანიდან უკვე 6 თვე გავიდა, თუმცა, ცხოვრების ჩვეულ რიტმს დღემდე ვერ დაუბრუნდა.
კორონავირუსი მეგის მეუღლემ და შვილებმაც გადაიტანეს. გვიყვება, რომ ოჯახის წევრების მდგომარეობა ვირუსის ქონის პერიოდშიც და ახლაც სხვადასხვაგვარი იყო. ამბობს, რომ ერთი შვილი და მეუღლე თავს კარგად გრძნობს, თუმცა მეორეს შემთხვევაში, პრობლემები გრძელდება. მაგალითად ბავშვი ნერვიული და ცვალებადი ხასითისგახდა, სწრაფი ტემპით გაუფუჭდა კბილებიც.
ვირუსის შემდგომ გართულებებზე საუბრობენ ექიმებიც. ვირუს გადატანილი მედიკოსები, როგორც საკუთარი, ასევე, პაციენტების მაგალითებზე დაყრდნობით ამბობენ, რომ ხშირად ინფიცირებულის მდგომარეობა უკეთესია, ვიდრე შემდგომი პერიოდი. მედიკოსები ამბობენ, რომ ხშირია ფილტვების დაავადება, ასევე გულსისხლძარღვთა პრობლემები და ნევრული აშლილობა. ამის გამომწვევი მიზეზები, ვირუსის სიახლიდან, გამომდინარე მათთვის უცნობია.
ექიმების ნაწილი ვარაუდობს, რომ განსაკუთრებული ჩივილები იმ ადამიანებს აქვთ, რომლებიც ქრონიკულად მოავადეები არიან და ვირუსიც რთულად გადაიტანეს. მედიკოსები განსაკურებული სიფრთხილით ეკიდებიან თრომბოემბოლიისა და სუნთქვის უკმარისობის მქონე ადამიანების მდგომარეობას.
მედიკოსები ამბობენ, რომ შესაძლოა მოქალაქეების დიდი ნაწილი არცკი უფიქრდება იმას, რომ ორგანიზმში მიმდინარე ცვლილებები, მათში კორონავირუსმა გამოიწვია. ამიტომ, მსგავსი ტიპის გართულებების თავიდან ასაცილებლად, ექიმები აუცილებელ პირობად ვაქცინაციას მიიჩნევენ.
მხოლოდ აჭარაში, ამ ეტაპზე, კორონავირუსი 44 ათას 452 პაციენტმა გადაიტანა, ქვეყნის მასშტაბით კი, 370 ათას 565-მა ადამიანმა. სტატისტიკა, იმის შესახებ, თუ რამდენს დაუტოვა კორონავირუსმა ჯანმრთელობის შემდგომი გართულებები, არ არსებობს.