28, ივლისი 2021 17:57:00
შშმ პირის უვადოდ დადგენილი სტატუსის დატანა პირადობის ელექტრონულ მოწმობაზე იქნება შესაძლებელი. სიახლე სპეციალური საჭიროების მქონე მოქალაქეებისთვის სახელმწიფო სერვისების გამარტივებასა და მომსახურების ხელმისაწვდომობის გაზრდას ემსახურება. ახალი სერვისი სახელმწიფო სერვისების განვითარების სააგენტომ, შშმ პირთა თემის წარმომადგენლებთან თანამშრომლობით დანერგა. პირადობის ელექტრონულ მოწმობაზე განსაკუთრებული საჭიროების მქონე პირის სტატუსის შესახებ ინფორმაციის ასახვა უფასოა და მისი დატანა უკვე გაცემულ ID ბარათზე განაცხადის წარდგენიდან 7 სამუშაო დღეში მოხდება.