"2019-2021 წლებში ჯანდაცვის სამინისტრო 15.7 მილიარდი ლარით დაფინანსდა, - ამის შესახებ ინფორმაციას "ფლანგვის დეტექტორი" ავრცელებს.
არასამთავრობო ორგანიზაციის მიერ გავრცელებულ განცხადებაში ვკითხულობთ:
2019-2021 წლებში ჯანდაცვის სამინისტრო 15.7 მილიარდი ლარით დაფინანსდა. შედარებისთვის, 2019 წელს ქვეყნის მთლიანი ბიუჯეტი ჯამში დაახლოებით 13.5 მილიარდი ლარი იყო.
ამის მიუხედავად, სამინისტრო პანდემიის წინააღმდეგ ბრძოლის არაეფექტიანობით მსოფლიოში გამოირჩევა და პანდემიის ახალ-ახალი ტალღები უფრო და უფრო მეტ სიცოცხლეს იწირავს. ჯანდაცვის სამინისტრომ ჯერ ვაქცინა ვერ ჩამოიტანა, შემდეგ ვაქცინაციის პროცესი საჭირო მასშტაბით ვერ წარმართა და აცრაზე რეგისტრაციის საიტიც კი დღემდე შეფერხებებით მუშაობს.
დაავადებათა კონტროლისა და პრევენციის ცენტრი (СDC) საქართველოს ყველაზე მაღალი რისკის ქვეყნებში აქცევს, ხოლო ევროპის CDC - მუქ წითელ ზონაში. საქართველო წითელ ზონაში შეიყვანა ისრაელმაც, ამ სიაში საქართველოსთან ერთად ზიმბაბვე, ბოლივია, პარაგვაი, უგანდა, კამბოჯა და კენია იმყოფებიან, - წერს "ფლანგვის დეტექტორი".
1
s
s
s