"დილით, მე გავიარე ქაშვეთის ეკლესიის წინ და ვნახე, რომ ხალხი, სალოცავად ნამდვილად არ იყო მოსული, - ამის შესახებ საქართველოს პრეზიდენტმა 5-6 ივლისს მომხდარ მოვლენებთან დაკავშირებით საუბრისას განაცხადა.

სალომე ზურაბიშვილის თქმით, ხელისუფლებაში ყოფნისას წესრიგის დაცვა აუცილებელია.

„საერთოდ გაუგებარია, არ შეიძლება ამ ფორმის ძალადობის გამოყენება ჟურნალისტებზე. მგონი, ამის აღკვეთა შეიძლებოდა. როგორც კი გამოცხადდა, რომ ქაშვეთში იქნებოდა შეხვედრა, 2 პარაკლისი, რა პარაკლისი?! მე გავიარე ეკლესიის წინ დილით და ვნახე, რომ ეს ხალხი, ვინც იქ იყო თავმოყრილი სალოცავად ნამდვილად არ იყო მოსული. როდესაც ხელისუფლება ხარ და შესაძლებელია ეს გადაიზარდოს სხვა რამეში, ამის აკრძალვა, წესრიგის დაცვა აუცილებელია. სამწუხაროა, რომ ეკლესიის ზოგმა წარმომადგენელმა ამაში მიიღო მონაწილეობა, თუნდაც, განცხადებებით.

შეგახსენებთ, 5 ივლისს, სამოქალაქო მოძრაობა „სირცხვილიას“ და „თბილისი პრაიდის“ ოფისები დაარბიეს. ამასთან, „თბილისი პრაიდის“ მოწინააღმდეგეებმა პარლამენტის წინ აღმართული ევროკავშირის დროშა 2-ჯერ ჩამოხსნეს. ისინი აგრესიულობით გამოირჩეოდნენ მედიის წარმომადგენლების მიმართაც. 5-6 ივლისს განვითარებული მოვლენების დროს სულ 53 ჟურნალისტი დაშავდა.

Tags:

• თბილისი პრაიდი
• პრეზიდენტი
• სალომე ზურაბიშვილი

გაზიარება

1